Laus störf Hæfnileit Vinnustaðir Námskeið

Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Fræðslu- og lýðheilsusvið: Ráðgjafi grunnskóla í skólaþjónustu

Fræðslu- og lýðheilsusvið Akureyrarbæjar óskar eftir að ráða ráðgjafa grunnskóla í skólaþjónustu til starfa. Um er að ræða 100% stöðu tímabundið til eins árs með möguleika á áframhaldandi ráðningu.

Æskilegt er að viðkomandi geti hafið störf sem fyrst eða eftir samkomulagi.

Helstu verkefni og ábyrgð

Teymisvinna vegna fatlaðra barna og annarra barna með ýmis frávik í þroska og hegðun.
Ráðgjöf til foreldra og starfsfólks skóla.
Námskeið og fræðsla fyrir fagfólk og foreldra.
Samþætting verkefna og þróunarvinna á fræðslu- og lýðheilsusviði.
Vinna að samþættingu þjónustu í þágu farsældar barna þvert á svið/stofnanir.

Menntunar- og hæfniskröfur

Háskólamenntun í kennslu-, iðjuþjálfa- eða þroskaþjálfafræðum og starfsleyfi eins og við á.
Viðbótarmenntun sem nýtist í starfi er kostur.
Gerð er krafa um þriggja ára reynslu af starfi innan stoðþjónustu grunnskóla.
Haldbær þekking á þroskafrávikum, hegðunarerfiðleikum og tilfinningavanda.
Þekking á lögum og reglugerðum sem varða þjónustu við börn.
Reynsla og þekking á skipulagðri kennslu og vinnubrögðum (TEACCH).
Reynsla af starfi í skólaþjónustu er æskileg.
Góð samskiptahæfni, sjálfstæð vinnubrögð og frumkvæði.
Áhugi og vilji til að tileinka sér nýja þekkingu og leggja sitt af mörkum til að bæta þjónustuna.
Góð almenn tölvukunnátta.
Góð íslenskukunnátta bæði í töluðu og rituðu máli.
Góð enskukunnátta bæði í í töluðu og rituðu máli.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Umsókninni skal fylgja greinargóð skýrsla um störf umsækjanda og menntun og þau verkefni sem hann hefur unnið að og varpað geta ljósi á færni hans til að sinna starfinu. Mikilvægt er að einnig komi fram hugmyndir umsækjenda og sýn á starfið.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Upplýsingar um kaup og kjör veitir launadeild Akureyrarbæjar: [email protected]

Nánari upplýsingar um starfið veitir Helga Vilhjálmsdóttir, forstöðumaður skólaþjónustu í síma 460-1455 og á netfangi [email protected]

Einungis er tekið á móti rafrænum umsóknum.

Umsóknarfrestur er til og með 24. ágúst 2026.

Auglýsing birt12. ágúst 2026

Umsóknarfrestur24. ágúst 2026

Tungumálahæfni