Kópavogsbær

Kópavogur er næststærsta sveitarfélag landsins með rúmlega 40 þúsund íbúa. Nafn bæjarins er dregið af jörðinni Kópavogi sem ríkissjóður átti í byrjun síðustu aldar og leigði út ásamt annarri jörð Digranesi í nágrenni hennar. Kópavogshreppur var stofnaður í byrjun árs 1948 og voru íbúar þá rúmlega 900. Hreppurinn óx hratt og voru íbúar orðnir 3.783 þegar Kópavogur hlaut kaupstaðarréttindi 11. maí árið 1955. Í Kópavogi er mikil og fjölbreytt atvinnustarfsemi. Mest er um iðnað, þjónustu og verslun af ýmsu tagi og má geta þess að Smáralind er stærsta verslunarmiðstöð landsins. Í bænum eru fjölbreytt tækifæri til útivistar og aðstaða til íþróttaiðkunar er með því besta sem þekkist. Þá eru Kópavogsbúar afar stoltir af menningarstofnunum sínum á Borgarholtinu, svo sem Salnum, Gerðarsafni, Náttúrufræðistofu Kópavogs, Tónlistarsafni Íslands og Molanum, ungmennahúsi Kópavogs.

Vinnustaðurinn

Forstöðumaður - Félagsmiðstöðin Pegasus

Frístundadeild menntasviðs leitar nú að drífandi og kraftmiklum starfskrafti til að halda áfram að stuðla að góðri þjónustu við börn og unglinga í félagsmiðstöðinni Pegasus, til að styðja enn frekar við stefnu og markmið bæjarins í málefnum frístunda barna og unglinga. Félagsmiðstöðin Pegasus er staðsett í Álfhólsskóla við Álfhólsveg 100.

Menntasvið Kópavogsbæjar sameinar málefni grunnskóla, leikskóla, íþrótta og frístunda í Kópavogi. Undir frístundadeild heyra félagsmiðstöðvar barna og unglinga, frístundaklúbbur og miðstöð ungs fólks.

Starf forstöðumanns er fjölbreytt, gefandi og skemmtilegt. Um er að ræða frábært tækifæri fyrir ábyrgan og metnaðarfullan einstakling með menntun og reynslu sem nýtist í starfi.

Um er að ræða 100% starf.

Helstu verkefni og ábyrgð

Ber ábyrgð á að rekstur félagsmiðstöðvarinnar sé innan ramma fjárhagsáætlunar
Ber ábyrgð á stjórnun starfsmannamála, s.s. ráðningum, gerð ráðningasamninga, tímaskráningu og vinnuskipulagi starfsfólks
Ber ábyrgð á faglegu starfi og sér um að móta, efla og þróa faglegt barna og unglingastarf með uppeldis- og forvarnamarkmið að leiðarljósi
Situr reglulega samráðs- og teymisfundi og vinnur í samstarfi við skólastjórnendur, námsráðgjafa, skólasálfræðinga, starfsfólk barnaverndar, lögreglu, foreldra og aðra þá aðila sem vinna á vettvangi frítímans og/eða að málefnum barna og unglinga bæði innan bæjar og utan
Vinnur í nánu samstarfi við foreldra og forsjáraðila varðandi líðan og hagsmuni þeirra barna og unglinga sem sækja félagsmiðstöðina
Tekur þátt í stefnumótun fyrir félagsmiðstöðvar í samstarfi við yfirmenn málaflokksins
Ber ábyrgð á skipulagningu og framkvæmd sameiginlegra viðburða félagsmiðstöðva í Kópavogi sem og viðburða á vegum félagsmiðstöðvar
Framkvæmir önnur þau verkefni sem deildarstjóri frístundadeildar og/eða sviðsstjóri fela og falla að starfssviði viðkomandi

Menntunar- og hæfniskröfur

Háskólamenntun (BA, B.Ed. eða BS gráða) á sviði tómstunda- og félagsmálafræði, uppeldis og menntunarfræða, grunnskólakennarafræða eða sambærileg menntun sem nýtist í starfi
Reynsla af störfum með börnum/unglingum
Reynsla af störfum á vettvangi frítímans æskileg
Þekking og/eða reynsla af rekstri og stjórnun sem nýtist í starfi æskileg
Hæfni í framsetningu texta og góð almenn tölvukunnátta
Reynsla af verkefna- og viðburðastjórnun æskileg
Góð hæfni í samskiptum
Frumkvæði og sjálfstæði í störfum, skipulögð og fagleg vinnubrögð
Íslenskukunnátta æskileg

Umsókn skal fylgja starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Launakjör eru samkvæmt kjarasamningi Sambands íslenskra sveitarfélaga og viðeigandi stéttarfélags.

Allir einstaklingar sem ráðnir eru til starfa í félagsmiðstöðvum Kópavogsbæjar þurfa að gefa heimild til upplýsingaöflunar úr sakaskrá og undirrita trúnaðaryfirlýsingu.

Umsóknarfrestur er til og með 25. apríl n.k.

Öllum umsóknum verður svarað þegar ákvörðun um ráðningu hefur verið tekin.

Tekið verður mið af jafnréttisstefnu Kópavogsbæjar við ráðningu í starfið.

Nánari upplýsingar veitir Amanda K. Ólafsdóttir, amanda.olafsdottir@kopavogur.is í síma 441 0000.

Eingöngu er tekið við umsóknum í gegnum ráðningavef Alfreðs.

Auglýsing stofnuð10. apríl 2024

Umsóknarfrestur25. apríl 2024

Staðsetning

Digranesvegur 1, 200 Kópavogur

Starfstegund

Starfsgreinar

Starfsmerkingar