Þjóðminjasafn Íslands

Þjóðminjasafn Íslands er vísinda- og þjónustustofnun og höfuðsafn á sviði menningarminja og rannsókna á menningarsögulegum minjum í landinu. Hlutverk þess er að auka og miðla þekkingu á menningararfi íslensku þjóðarinnar. Þjóðminjasafn Íslands starfar á grundvelli safnalaga nr. 141/2011, lögum um Þjóðminjasafn Íslands nr. 140/2011 og lögum um menningarminjar nr. 80/2012.

Vinnustaðurinn

Fjármálastjóri

Þjóðminjasafn Íslands auglýsir laust til umsóknar starf fjármálastjóra. Vinnustaðurinn okkar er fjölbreyttur og lifandi þar sem fjármál, rekstur og varðveisla menningararfsins fléttast saman í hvetjandi og framsæknu umhverfi. Fjármálastjóri heyrir beint undir þjóðminjavörð og situr í framkvæmdaráði stofnunarinnar.

Í boði er áhugavert og krefjandi starf með fjölbreyttum verkefnum fyrir metnaðarfullan einstakling þar sem reynir á frumkvæði, samskiptahæfileika og getu til að sjá tækifæri í rekstri umsvifamikils safns. Undir fjármálasvið heyrir almennur rekstur stofnunarinnar, húsnæðis- og öryggismál, tölvumál, stjórnsýsla og skjalavarsla.

Helstu verkefni og ábyrgð

Ábyrgð á fjármálastjórn, áætlanagerð og skilvirkri miðlun fjárhagsupplýsinga.
Ábyrgð á færslu bókhalds stofnunarinnar og sjóða sem reknir eru á ábyrgð hennar.
Fjárhagsleg skýrslugerð, fjárlagaerindagerð og kostnaðareftirlit.
Yfirumsjón með uppgjörum, afstemmingum, innheimtu og ársreikningum.
Upplýsingagjöf og samskipti við fagráðuneyti og aðra opinbera aðila.
Stefnumótun og þátttaka í þróun rekstrarumhverfis safnsins.
Stjórnun og ábyrgð á daglegum rekstri og mannauðsmálum fjármálasviðs.

Menntunar- og hæfniskröfur

Háskólapróf í viðskiptafræði eða önnur sambærileg menntun. Framhaldspróf sem nýtist í starfi er kostur.
Þekking og farsæl reynsla af fjármálastjórnun er kostur.
Reynsla af stjórnun og mannaforráðum er kostur.
Góð greiningarhæfni og reynsla af framsetningu tölulegra gagna.
Þekking á sviði opinberrar stjórnsýslu og opinberum fjármálum er kostur.
Góð samskiptahæfni og leiðtogafærni eru skilyrði.
Metnaður, frumkvæði, drifkraftur og geta til að hafa yfirsýn yfir mörg verkefni.
Góð kunnátta í íslensku og ensku í ræðu og riti.
Þekking á Orra fjárhagsbókhaldi ríkisins er kostur.
Þekking á PowerBI er kostur.

Frekari upplýsingar um starfið
Laun eru samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Starfshlutfall er 100%, æskilegt er að viðkomandi geti hafið störf sem fyrst eða eftir nánara samkomulagi. Starfið hentar öllum kynjum og áhugasöm eru hvött til að sækja um enda er við ráðningar í störf hjá safninu tekið mið af jafnréttisáætlun stofnunarinnar.

Umsóknarfrestur er til og með 11. mars nk.

Umsókn skal fylgja ferilskrá og ítarlegt kynningarbréf á íslensku um hvers vegna sótt er um starfið með rökstuðningi um færni viðkomandi til að gegna starfinu og upplýsingar um árangur sem viðkomandi hefur náð í fyrri störfum. Mat á hæfni umsækjenda byggist á innsendum gögnum og viðtölum við umsækjendur.

Öllum umsóknum verður svarað þegar ákvörðun um ráðningu hefur verið tekin. Nánari upplýsingar um Þjóðminjasafn Íslands má nálgast á www.thjodminjasafn.is

Umsjón með ráðningu hafa Auður Bjarnadóttir ([email protected]) og Ingibjörg Eðvaldsdóttir ([email protected]).