Laus störf Hæfnileit Vinnustaðir Námskeið

Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

Vinnustaðurinn

Fjármála- og stjórnsýslusvið – Forstöðumaður reikningshalds

Reykjanesbær leitar að öflugum og metnaðarfullum einstaklingi til að leiða reikningshald sveitarfélagsins. Forstöðumaður reikningshalds gegnir lykilhlutverki í fjármálastjórn bæjarins og ber ábyrgð á bókhaldi Reykjanesbæjar og stofnana og sveitarfélagsins í heild. Forstöðumaður gegnir einnig mikilvægu hlutverki í uppgjörum, greiningu og fjármálastjórn sveitarfélagsins.

Við leitum að einstaklingi með sterka faglega þekkingu og metnað til að stuðla að faglegu og skilvirku rekstrarumhverfi. Forstöðumaður reikningshalds starfar í nánu samstarfi við fjármálastjóra og aðra stjórnendur og tekur virkan þátt í áframhaldandi þróun fjármálastjórnunar Reykjanesbæjar.

Gildi Reykjanesbæjar eru virðing, eldmóður og framsækni og mikilvægt er að viðkomandi endurspegli þau gildi í sínum störfum.

Helstu verkefni og ábyrgð

Yfirumsjón, eftirlit og ábyrgð á bókhaldi Reykjanesbæjar og stofnana
Dagleg stýring og utanumhald reikningshalds sveitarfélagsins
Umsjón með fjárhagskerfinu Navision
Afstemmingar og lokafrágangur mánaðaruppgjöra
Vinna við árshlutauppgjör og ársreikninga í samstarfi við fjármálastjóra
Skýrslugerð, greiningar og upplýsingagjöf úr bókhaldi
Ráðgjöf og stuðningur við stjórnendur og starfsfólk í bókhalds- og uppgjörsmálum

Menntunar- og hæfniskröfur

Háskólamenntun í viðskiptafræði eða sambærileg menntun
Reynsla af bókhaldi og uppgjörsvinnu skilyrði
Reynsla á endurskoðunarskrifstofu kostur
Reynsla af gerð ársreikninga og samstæðureikninga æskileg
Þekking á lögum og reglum um bókhald og reikningsskil skilyrði
Greiningarhæfni, nákvæmni og skipulag í vinnubrögðum
Frumkvæði, sjálfstæði og góð samskiptahæfni

Hlunnindi:

Bókasafnskort
Gjaldfrjáls aðgangur að menningarhúsum
Gjaldfrjáls aðgangur í sund
Gjaldfrjáls aðgangur í strætó

Um 100% starf er að ræða og er æskilegt að viðkomandi geti hafið störf sem fyrst eða eftir samkomulagi. Launakjör eru í samræmi við samning Sambands íslenskra sveitarfélaga og viðeigandi stéttarfélags.

Sótt er um á vef Reykjanesbæjar, www.reykjanesbaer.is, undir Laus störf. Umsókn um starfið skal fylgja skrá yfir menntun og starfsferil ásamt kynningarbréfi þar sem gerð er grein fyrir ástæðu umsóknar með rökstuðningi fyrir hæfni viðkomandi í starfið og upplýsingar um umsagnaraðila. Öllum umsóknum verður svarað.

Áhugasamir einstaklingar, án tillits til kyns, eru hvattir til að sækja um.

Frekari upplýsingar um starfið veitir Regína Fanný Guðmundsdóttir sviðsstjóri/fjármálastjóri, netfang: [email protected]

Auglýsing birt16. mars 2026

Umsóknarfrestur30. mars 2026

Tungumálahæfni