Með sameiningu Inkasso - Momentum varð til annað stærsta fyrirtækið á sviði kröfustjórnunar hérlendis. Fyrirtækið umbreytir innheimtuþjónustu á Íslandi, gerir hana manneskjulegri og stuðlar að hugarfarsbreytingu gagnvart innheimtuferlinu hjá öllum sem það snertir með sérstakri áherslu á upplifun greiðenda og rafrænar lausnir. Fyrirtækið hefur sett sér skýr markmið þegar kemur að sjálfbærnimálum og vinnur að heilindum að því að hafa jákvæð áhrif í íslensku samfélagi. Hjá Inkasso starfar fagfólk í innheimtu sem sér um yfir 70 þúsund kröfur í hverjum mánuði fyrir mörg af stærstu fyrirtækjum og sveitarfélögum landsins. Fyrirtækið er í sókn og ætlar sér stóra hluti á sviði kröfustjórnunar og fjártækni á næstu árum.