Félagsráðgjafi í barnaverndarþjónustu
Velferðarsvið Garðabæjar óskar eftir að ráða félagsráðgjafa í barnavernd
Velferðarsvið Garðabæjar sinnir allri félagslegri þjónustu í sveitarfélaginu, sem telur um 20.000 íbúa og fer ört stækkandi. Á sviðinu er lögð áhersla á að þjónustan einkennist af fagmennsku, áreiðanleika og jákvæðni.
Félagsráðgjafi í barnavernd vinnur að verkefnum sem krefjast sérfræðiþekkingar á meðferð barnaverndarmála og í þverfaglegum teymum. Tækifæri eru til starfsþróunar og góður starfsandi á sviðinu.
Um tímabundið starf er að ræða með möguleika á fastráðningu. Um er að ræða 100% starfshlutfall.
• Vinna við könnun og meðferð mála samkvæmt barnaverndarlögum
• Viðtöl, ráðgjöf og stuðningur við börn og fjölskyldur
• Skráning upplýsinga og gerð umsókna
• Móttaka barnaverndartilkynninga og skráning
• Samskipti við aðrar stofnanir við vinnslu mála
• Teymisfundir og aðrir fundir sem tengjast starfinu
• Þátttaka í stefnumótun, mótun verkferla, starfsáætlana og endurskoðun á reglum í málaflokknum
• Starfsréttindi sem félagsráðgjafi (leyfisbréf fylgi umsókn)
• Viðbótarmenntun á sviði barnaverndar, uppeldisráðgjafar eða fjölskyldumeðferðar er kostur
• Þekking og reynsla af starfi í barnavernd er kostur
• Geta til að vinna undir álagi í krefjandi starfsumhverfi
• Frumkvæði, nákvæmni og sjálfstæði í vinnubrögðum
• Lausnarmiðað viðhorf og lipurð í mannlegum samskiptum
• Gott vald á töluðu og rituðu íslensku máli, íslenskukunnátta B2 (samkvæmt samevrópskum tungumálaramma)
- Heilsuræktarstyrkur fyrir starfsmenn sem ráðnir eru í starfshlutfall að upphæð 20.000 kr. eftir 6 mánuði í starfi
- Bókasafnskort fyrir starfsmenn sem ráðnir eru í starfshlutfall eftir 3 mánuði í starfi
- Menningarkort fyrir starfsmenn sem ráðnir eru í starfshlutfall eftir 3 mánuði í starfi
- Sundlaugarkort fyrir starfsmenn sem ráðnir eru í starfshlutfall eftir 3 mánuði í starfi
- Árshátíð er starfsmönnum að kostnaðarlausu
- Íslenskunámskeið fyrir erlenda starfsmenn