Ertu að leita að skemmtilegri vinnu?

Arnarsmári er fimm deilda leikskóli sem er staðsettur á Nónhæð.
Þar er útikennsla í hávegum höfð og lögð er áhersla á sjálfbærni.

Í Arnarsmára er starfað eftir Uppbyggingastefnunni, uppeldi til ábyrgðar og iðkaðar eru dyggðir. Réttindi barna eru okkur mikilvæg og er Arnarsmári Réttindaskóli Unicef.
Nýverið fékk Arnarsmári Erasmus styrk til að vinna að sjálfbærnimenntun barna.

Einkunnarorð skólans eru: frumkvæði, vinátta og gleði. Starfsfólkið leggur áherslu á að virða einkunnarorðin og starfið einkennist af gleði og vináttu. Góð starfsmannaaðstaða er í skólanum.

Við leitum að leikskólakennara í okkar góða starfsmannahóp í Arnarsmára. Starfið er 100% og er dagleg vinnustytting í Arnarsmára. Æskilegt er að viðkomandi geti hafið störf sem fyrst.

Athygli er vakin á því að Kópavogur hefur nýlega samþykkt 6 tíma gjaldfrjálsan leikskóla ásamt auknum sveigjanleika og takmörkun í opnunartíma leikskóla í dymbilviku, milli jóla og nýárs og vetrarfríum. Hér má sjá meira um það

Nánari upplýsingar er að finna á heimasíðu leikskólans arnarsmari.kopavogur.is