Laus störf Hæfnileit Vinnustaðir Námskeið

Alfreð

Alfreð er hugbúnaðar- og þjónustufyrirtæki sem þróar snjallar lausnir til að tengja saman fólk og fyrirtæki. Alfreð ehf. tók til starfa árið 2013 og umbylti á örfáum árum markaði fyrir atvinnuauglýsingar á Íslandi. Vinsældir Alfreðs halda samt alltaf áfram að aukast enda er okkar starf drifið af stöðugri nýsköpun. Höfuðstöðvar okkar eru í Kópavogi en auk þess er Alfreð með skrifstofu í Prag. Fyrir utan Ísland og Tékkland er okkur einnig að finna á Möltu og í Færeyjum og ætla má að vinaþjóðum Alfreðs fjölgi á næstu árum.

Vinnustaðurinn

Ert þú okkar næsti sérfræðingur í stafrænni markaðssetningu?

Við leitum að öflugum liðsauka í markaðsteymið okkar í tímabundið starf til 1. febrúar 2027. Ef þú elskar stafræna miðla, hefur auga fyrir tækifærum og vilt vinna með tveimur af flottustu vörumerkjum landsins, Alfreð og Giggó, þá viljum við heyra í þér!

Mikilvægt að starfsmaðurinn geti hafið störf sem fyrst.

Helstu verkefni og ábyrgð

Sinna samfélagsmiðlum: Þú hjálpar okkur að koma kynningarefni okkar á framfæri og vera meira áberandi á réttum stöðum á réttum tíma.
Stýra herferðum: Þú sérð um að halda utan um og fínstilla birtingar á auglýsingum í Meta og Google.
Plana birtingar: Þú býrð til birtingaráætlanir fyrir samfélagsmiðla sem ná til rétta hópsins.
Mæla árangurinn: Þú greinir gögnin (Meta og Analytics), gerir árangursmælingar og finnur út hvað virkar best.
Vera hluti af teyminu: Taka þátt í öðrum spennandi verkefnum sem koma upp í markaðsdeildinni.

Menntunar- og hæfniskröfur

Þú ert með mjög góða þekkingu á stafrænni markaðssetningu.
Þú ert með 3+ ára reynslu af Meta Ads Manager (skilyrði).
Þú kannt vel á Google Ads (skilyrði).
Þú skrifar flotta íslensku og góða ensku.
Þú getur unnið sjálfstætt, fylgt hlutunum eftir og óttast ekki að koma með nýjar hugmyndir.

Um okkur

Hjá Alfreð starfar hress hópur sérfræðinga sem brennur fyrir því sem þeir gera. Við erum þétt liðsheild sem finnst gaman að takast á við krefjandi verkefni en leggjum jafnframt mikla áherslu á að hafa gaman í vinnunni og hlúa að góðum starfsanda.

Við erum með höfuðstöðvar í Kópavogi, skrifstofu í Tékklandi og erum á fullri ferð í þróun og vexti – bæði hér heima og erlendis.

Auglýsing birt6. mars 2026

Umsóknarfrestur20. mars 2026

Tungumálahæfni