Laus störf Hæfnileit Vinnustaðir Námskeið

Rangárþing Ytra

Rangárþing ytra er fallegt, framsækið og víðfeðmt sveitarfélag í hjarta Suðurlands. Starfsstöð byggingarfulltrúa er á Hellu en þaðan er aðeins um klukkustundarakstur á Höfuðborgarsvæðið. Íbúar sveitarfélagsins eru um 2000 og samfélagið er fjölbreytt og iðandi. Mikil uppbygging er í gangi á svæðinu og t.a.m. er verið að stækka skóla og leikskóla og byggja upp gervigrasvöll og fleiri íþróttamannvirki. Einnig eru að hefjast stórar virkjanaframkvæmdir innan marka sveitarfélagsins sem hafa í för með sér mikla uppbyggingu og umsvif. Í Rangárþingi ytra er fjölbreytt úrval búsetukosta, gott aðgengi að leikskólaplássum og mjög öflugir grunnskólar. Framboð íþrótta, tómstunda og menningarviðburða er gott og tækifæri til útivistar í náttúrunni eru nær óþrjótandi.

Vinnustaðurinn

MARKAÐS- OG KYNNINGARFULLTRÚI

Rangárþing ytra óskar eftir að ráða öflugan og drífandi einstakling í starf markaðs- og kynningarfulltrúa. Um fjölbreytt og margþætt framtíðarstarf er að ræða sem krefst góðrar færni á ýmsum sviðum, m.a. í tengslum við umsjón viðburða, kynningarmál og ritstjórn heimasíðu sveitarfélagsins.
Starfshlutfall er 100%.

Helstu verkefni og ábyrgð

Ábyrgð á og umsjón með markaðs-, upplýsinga- og kynningarmálum sveitarfélagsins
Verkefnastjórnun og umsjón með framkvæmd viðburða, s.s. Töðugjöld, 17. júní á Hellu og árshátíð sveitarfélagsins
Umsjón með vef- og samfélagsmiðlum sveitarfélagsins
Þátttaka í markaðs-, menningar- og jafnréttismálanefnd og öðrum nefndum eftir atvikum
Samskipti við ýmsa hagsmunaaðila
Önnur tilfallandi sérverkefni, s.s. á sviði ferðamála, stefnumótunar og skýrslugerðar

Menntunar- og hæfniskröfur

Háskólamenntun sem nýtist í starfi æskileg
Menntun og/eða reynsla á sviði viðburða- og verkefnastjórnunar er kostur
Þekking á svæðinu og nærsamfélaginu er skilyrði
Reynsla af umsjón vefsvæða er skilyrði
Þekking eða reynsla af framsetningu kynningarefnis er kostur
Þekking og reynsla af sjórnsýslu sveitarfélaga er kostur
Framúrskarandi samskipta- og samstarfshæfni
Sjálfstæði í vinnubrögðum og góðir skipulagshæfileikar
Gott vald á íslensku og ensku í ræðu og riti

Hjá Rangárþingi ytra starfa um 150 manns hjá hinum ýmsu stofnunum en skrifstofa sveitarfélagsins er staðsett á Hellu. Nánari upplýsingar um Rangárþing ytra má finna á www.ry.is.
Sótt er um starfið á www.mognum.is
Nánari upplýsingar veita Sigríður Ólafsdóttir; [email protected] og Telma Eiðsdóttir; [email protected]
Umsóknarfrestur er til og með 15. mars nk.
Með umsókn skal fylgja ítarleg ferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda.
Allir áhugasamir einstaklingar, óháð kyni, eru hvattir til að sækja um starfið. Laun eru samkvæmt kjarasamningi viðkomandi stéttarfélags og Sambands íslenskra sveitarfélaga. Öllum umsóknum verður svarað þegar ákvörðun um ráðningu hefur verið tekin.