Deildarstjóri höfuðborgardeildar Rauða krossins

Vilt þú leiða öflugt samfélagslegt starf sem hefur raunveruleg áhrif á líf fólks?
Rauði krossinn á Íslandi leitar að öflugum og lausnamiðuðum leiðtoga í starf deildarstjóra höfuðborgardeildar. Um er að ræða fjölbreytt og ábyrgðarmikið starf þar sem viðkomandi mun leiða mikilvæga þjónustu og samfélagsverkefni í nánu samstarfi við starfsfólk, sjálfboðaliða, stjórnvöld og samstarfsaðila.

Undir Hhöfuðborgardeild falla meðal annars skaðaminnkunarverkefnin Frú Ragnheiður og Ylja neyslurými, Aðstoð eftir afplánun, Fólk á flótta og önnur félags- og vinaverkefni. Þá heyrir starfsemi Kvennadeildar RKÍ einnig undir deildina.


Helstu verkefni og ábyrgð:

• Fagleg forysta, dagleg stjórnun og rekstur höfuðborgardeildar.
• Ábyrgð á fjármálum, áætlanagerð, mannafla og gæðum þjónustu.
• Stuðningur og samstarf við starfsfólk, teymisstjóra og sjálfboðaliða.
• Þróun verkefna og umbótastarf í samræmi við stefnu félagsins og þarfir samfélagsins.
• Samskipti, samningagerð og samstarf við stjórnvöld, sveitarfélög, stofnanir og aðra hagaðila.
• Umsjón með upplýsingaflæði, fundarhaldi, ársskýrslu og samstarfi við stjórn deildarinnar.
• Virk þátttaka í stefnumótun og þróun þjónustu innan félagsins.

Menntunar- og hæfniskröfur:

• Háskólamenntun sem nýtist í starfi, s.s. á sviði heilbrigðis- eða félagsvísinda eða verkefnastjórnunar.
• Reynsla af stjórnun, rekstri og mannauðsmálum.
• Leiðtogafærni, þjónustulund og góð yfirsýn.
• Framúrskarandi samskiptahæfni og lausnamiðuð nálgun.
• Frumkvæði og góð skipulagshæfni.
• Þekking á samfélagsmálum og neyðarvörnum og reynsla af samstarfi við ólíka hagaðila.
• Gott vald á íslensku og ensku í ræðu og riti.

Umsóknarfrestur er til og með 7. júní 2026. Umsókn óskast fyllt út á www.intellecta.is og henni þarf að fylgja ferilskrá og kynningarbréf. Nánari upplýsingar veitir Thelma Kristín Kvaran ([email protected]) í síma 511 1225. Farið verður með allar fyrirspurnir og umsóknir sem trúnaðarmál og verður þeim svarað að ráðningu lokinni. Allir einstaklingar, óháð kyni, eru hvattir til að sækja um starfið.