Laus störf Hæfnileit Vinnustaðir Námskeið

Hvalfjarðarsveit

Íþróttamiðstöðin Heiðarborg. Sundlaug, líkamsræktarsalur og íþróttasalur. Opnunartími er mánudaga - fimmtudaga frá kl. 16:00 - 21:00 laugardaga frá kl. 10:00-15:00. Síminn í Heiðarborg er 433-8541. Netfang: [email protected]

Vinnustaðurinn

Forstöðumaður íþrótta- og frístundamála

Hefur þú brennandi áhuga á tómstunda- og íþróttamálum fyrir börn og fullorðna?
Langar þig að taka þátt í rekstri og þróun íþróttamannvirkja?

Hvalfjarðarsveit leitar að metnaðarfullum og lausnamiðuðum einstaklingi til að stýra íþrótta- og frístundamálum sveitarfélagsins. Við leitum að einstaklingi með reynslu á sviði íþrótta- og félagsmála og góða skipulags- og samskiptahæfni.

Ef þú hefur metnað fyrir öflugu íþrótta- og frístundastarfi og vilt hafa jákvæð áhrif í samfélaginu, þá gætir þú verið rétti einstaklingurinn fyrir okkur.

Starf forstöðumanns íþrótta- og frístundamála heyrir undir deildarstjóra Velferðar- og fræðsludeildar.

Helstu verkefni og ábyrgð

Stýring og daglegur rekstur íþróttamannvirkisins Heiðarborgar, félagsmiðstöðvar, frístundaþjónustu og tómstundastarfs eldri borgara.
Yfirumsjón með skipulagi og samræmingu starfseminnar.
Þátttaka í stefnumótun, áætlanagerð og gerð rekstrar- og fjárhagsáætlana.
Umsjón með upplýsingamiðlun, skráningum og öðrum verkefnum sem tengjast starfseminni.
Eftirlit með því að starfsemin uppfylli viðeigandi gæðakröfur samkvæmt lögum, reglum, samþykktum og samningum.
Samstarf við íbúa, félagasamtök og aðra hagaðila sveitarfélagsins.

Menntunar- og hæfniskröfur

Háskólamenntun sem nýtist í starfi er skilyrði.
Stjórnunarreynsla á sviði íþrótta- og tómstundamála er æskileg.
Reynsla og þekking á rekstri, stjórnun og stefnumótun er kostur.
Þekking á stefnumótandi áætlanagerð og gerð rekstrar- og fjárhagsáætlana er æskileg.
Góð tölvukunnátta.
Góð málakunnátta og hæfni til að tjá sig í ræðu og riti.
Framúrskarandi hæfni í mannlegum samskiptum.
Hreint sakavottorð.
Frumkvæði, fagmennska og sjálfstæði í vinnubrögðum.

Æskilegt er að viðkomandi geti hafið störf 1.ágúst eða fyrr.

Launakjör eru samkvæmt kjarasamningum sveitarfélagsins við viðkomandi stéttarfélag. Öll kyn eru hvött til að sækja um stöðuna.

Nánari upplýsingar um starfið veitir Freyja Þöll Smáradóttir, deildarstjóri Velferðar- og fræðsludeildar, [email protected], eða í síma 433-8500.

Auglýsing birt19. maí 2026

Umsóknarfrestur2. júní 2026

Tungumálahæfni