Deildarstjóri frístundastarfs

Vilt þú leiða uppbyggingu á spennandi og mikilvægu frístundaúrræði fyrir börn og ungmenni?

Mosfellsbær leitar að kraftmiklum, hugmyndaríkum og metnaðarfullum deildarstjóra til að leiða þróun og uppbyggingu sértæks frístundaúrræðis fyrir börn og ungmenni. Um er að ræða gott tækifæri fyrir einstakling sem hefur brennandi áhuga á frístundastarfi og vill leiða breytingar á frístundaþjónustu, mynda sterk tengsl og byggja upp starfsemi sem styður við virkni, þátttöku og vellíðan barna og ungmenna.

Deildarstjóri ber ábyrgð á daglegri starfsemi úrræðisins, faglegri þróun þess og leiðir öflugan starfsmannahóp. Starfið felur í sér að móta og þróa nýjar leiðir í frístundastarfi þar sem áhersla er lögð á jafnvægi milli einstaklingsstuðnings, nærumhverfis og fjölbreytts hópastarfs sem styrkir félagsfærni, sjálfstæði, þátttöku og tengslamyndun.

Mikil áhersla verður lögð á að skapa samstarf og tengsl við fjölskyldur, skóla, frístundastarf, íþróttafélög og aðra þjónustuaðila þannig að börn og ungmenni fái aukin tækifæri til þátttöku í sínu nærumhverfi.

Um er að ræða áframhaldandi uppbyggingu og stækkun þjónustunnar þar sem deildarstjóri vinnur náið með forstöðumanni að því að móta framtíðarsýn, þróa starfshætti og innleiða nýjar lausnir sem mæta þörfum barna og fjölskyldna.

Þjónustan er veitt á grundvelli laga um þjónustu við fatlað fólk með langvarandi stuðningsþarfir og laga um félagsþjónustu sveitarfélaga.

Um er að ræða 100% dagvinnustarf og er æskilegt að viðkomandi geti hafið störf 1. janúar.