Húsasmiðjan

Húsasmiðjan er meðal stærstu verslunarfyrirtækja landsins og hluti af Bygma Gruppen A/S. Bygma rekur fjölmargar byggingavöruverslanir í Danmörku, Svíþjóð, Færeyjum og á Grænlandi. Ásamt því rekur fyrirtækið nokkur heildsölufyrirtæki á byggingavörumarkaði í Danmörku. Húsasmiðjuverslanir eru 16 talsins og eru Blómavalsútibú í sjö þeirra. Jafnframt er rafiðnaðarverslunin Ískraft með fjögur útibú. Hjá Húsasmiðjunni starfa um 500 starfsmenn vítt og breytt um landið sem hafa margskonar bakgrunn eins og pípari, blómaskreytir, bókari, smiður, viðskiptafræði, grafískur hönnuður, múrari og fleira og fleira. Húsasmiðjan býður upp á lifandi starfsumhverfi og frábæran starfsanda. Við leggjum mikla áherslu á símenntun og fræðslu og að starfsmenn fái tækifæri til þess að eflast og þróast í starfi.

Vinnustaðurinn

Akureyri - Sölustjóri í fagsölu

Sölustjóri í fagsölu

Húsasmiðjan leitar að metnaðarfullum leiðtoga sem brennur fyrir sölu og þjónustu. Hann hefur jafnframt mikinn áhuga og metnað til að taka þátt í uppbyggingu verkefna og spennandi vegferð sem framundan er á Norðurlandi. Megin ábyrgð sölustjóra er að leiða fagsöluteymið í átt að settum markmiðum, skapa og viðhalda viðskiptatengslum við okkar viðskiptavini og að vera ófeiminn að leita nýrra viðskiptatækifæra.

Á fagsölusviði starfa öflugir og reynslumiklir einstaklingar sem þjónusta stærstu viðskiptavini Húsasmiðjunnar og aðra aðila í stærri framkvæmdum. Húsasmiðjan er leiðandi á byggingavörumarkaði og er með sterk og vönduð vörumerki. Um er að ræða spennandi tækifæri fyrir réttan aðila til að vera þátttakandi í frekari uppbyggingu á örum og spennandi markaði í nýrri og glæsilegri verslun okkar á Norðurlandi.

Helstu verkefni og ábyrgð

· Yfirumsjón og ábyrgð á sölumarkmiðum fagsöluhópsins

· Skapa, efla og viðhalda viðskiptatengslum

· Bein söluráðgjöf, tilboðsgerð og þjónusta við viðskiptavini

· Vettvangsferðir til viðskiptavina

Menntunar- og hæfniskröfur

· Reynsla af sölustörfum, sölustjórnun og viðskiptatengslum er skilyrði

· Góð þekking á byggingavörumarkaði er kostur

· Framúrskarandi samskiptahæfni og rík þjónustulund

· Hæfni til að leiða fólk til árangurs

· Sjálfstæði, frumkvæði, drifkraftur og skipulagshæfni

· Reynsla af verkefnastjórnun er kostur

· Góð tölvukunnátta

· Góð íslensku- og enskukunnátta

Fríðindi í starfi

Ýmsir styrkir, s.s. íþróttastyrkur, samgöngustyrkur og fræðslustyrkur.
Heilsuefling, s.s. heilsufarsskoðun, bólusetning, aðgangur að sálfræðiþjónustu, heilsueflandi fræðsla.
Aðgangur að orlofshúsum.
Afsláttarkjör í verslunum okkar.

Nánari upplýsingar um starfið veitir Kristín Dögg Jónsdóttir rekstrarstjóri á Akureyri á kristindogg@husa.is

Við hvetjum öll áhugasöm til að sækja um, óháð kyni.

Gildin okkar eru: Áreiðanleiki - Þjónustulund - Þekking

Nánar um vinnustaðinn: https://www.husa.is/

Auglýsing stofnuð25. mars 2024

Umsóknarfrestur28. apríl 2024

Staðsetning

Freyjunes 1, 603 Akureyri

Starfstegund

Hæfni

Sölumennska

Starfsgreinar