Klettaskóli

Aðstoðarskólastjóri óskast í Klettaskóla

Klettaskóli er sérskóli fyrir nemendur á aldrinum 6-16 ára með þroskahömlun og viðbótarfatlanir og þjónar öllu landinu. Eitt af hlutverkum skólans er að veita starfsfólki annarra grunnskóla ráðgjöf og kennslufræðilegan stuðning vegna nemenda sem hafa svipaðar námsþarfir og nemendur í Klettaskóla. Nám í Klettaskóla er einstaklingsmiðað og byggt á forsendum og styrkleikum hvers nemanda. Einkunnarorð skólans eru "Menntun fyrir lífið". Í skólanum starfar samhent stjórnendateymi þar sem lögð er áhersla á gagnkvæmt traust, metnað og framsækni fyrir hönd nemenda og starfsfólks skólans. Aðstoðarskólastjóri er staðgengill skólastjóra.

Helstu verkefni og ábyrgð

Er faglegur leiðtogi og kemur að vinnu við skólanámskrá, stefnum og starfsáætlun skólans, ásamt mati á skólastarfi í samstarfi við stjórnendateymi og skólasamfélagið.

· Ber ábyrgð, ásamt öðrum stjórnendum, á rekstri skólans og daglegri starfsemi.

Er virkur þátttakandi í þróunar- og nýbreytnistarfi skólans ásamt því að halda utan um ákveðna starfshópa skólans.
Heldur utan um starfsmannamál s.s. forföll og leyfisóskir, ráðningaferli og móttöku nýrra starfsmanna í samstarfi við stjórnendateymi.
Er í samstarfi við foreldra, fagaðila og þjónustustofnanir.
Kemur að innleiðingu nýrra verkefna og nýjunga í skólastarfinu í samvinnu við stjórnendateymi skólans.

Menntunar- og hæfniskröfur

Kennsluréttindi og kennslureynsla á grunnskólastigi er skilyrði, leyfisbréf til kennslu (leyfisbréf skal fylgja umsókn)
Framhaldsmenntun (MA, M.Ed, MBA eða diplóma að lágmarki) á sviði stjórnunar, uppeldis- og menntunarfræða eða sambærilegra greina er æskileg
Reynsla af stjórnun og faglegri forystu á sviði kennslu og þróunar í grunnskólastarfi er skilyrði
Reynsla af skólanámskrárvinnu og gerð starfsáætlunar
Þekking á teymiskennslu og reynsla af þverfaglegu námi
Góð þekking á upplýsingatækni og notkun rafrænna miðla í skólastarfi
Metnaður í starfi, sjálfstæði og brennandi áhugi fyrir skólastarfi
Lipurð í samskiptum, skipulagsfærni, sveigjanleiki og samstarfshæfni
Mjög góð íslenskukunnátta ásamt góðri færni í ensku

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Laun eru samkvæmt samningi Samband íslenskra sveitarfélaga og KÍ.

Starfshlutfall 100%

Staðan er laus frá 1. ágúst 2025

Nánari upplýsingar um starfið veitir Arnheiður Helgadóttir í síma 411 7950 og tölvupósti [email protected]

Auglýsing birt26. mars 2025

Umsóknarfrestur9. apríl 2025

Tungumálahæfni