Hrafnista

Hrafnista er stærsta hjúkrunarheimili landsins og alls eru heimilin átta talsins í fimm sveitarfélögum. Þau eru Hrafnista Laugarási, Hraunvangi, Boðaþingi, Ísafold, Skógabæ, Sléttuvegi, Hlévangi og Nesvöllum. Hjá Hrafnistu starfar öflugur hópur einstaklinga með fjölbreytta menntun, starfsreynslu og með fjölbreyttan bakgrunn. Ef þú hefur áhuga á að bætast í Hrafnistuhópinn skaltu endilega senda inn umsókn, Hlökkum til að heyra frá þér.

Vinnustaðurinn

Aðstoðarmaður iðjuþjálfa sumarstarf - Laugarás

Hrafnista Laugarási óskar eftir að ráða skipulagðan og sjálfstæðan einstakling til aðstoðar við iðjuþjálfa á Hrafnistu Laugarási í sumar.

Um 60-80% dagvinnu er að ræða.

Viðkomandi kemur til með að starfa undir leiðsögn deildarstjóra og aðstoðardeildarstjóra. Starfið er fjölbreytt og á sér stað á deildum og vinnustofum heimilisins. Stór hluti starfsins felst í því að leiðbeina íbúum í alls konar iðju, hópastarfi og fleira.

Mikilvægt er að viðkomandi tileinki sér hugmyndafræði iðjuþjálfunar og skilji nauðsyn iðju í lífi sérhvers þjónustuþega.

Helstu verkefni og ábyrgð

Aðstoða iðjuþjálfa
Aðstoða við endurhæfingu íbúa
Framfylgja þjálfunaráætlun íbúa
Leiðbeina, hvetja og aðstoða íbúa við handverk og félagsstarf
Teymisvinna
Hópastarf á deild

Menntunar- og hæfniskröfur

Góð samskiptahæfni
Frumkvæði og sjálfstæði
Jákvæðni og þjónustulund
Íslenskukunnátta skilyrði

Fríðindi í starfi

Heilsuræktarstyrkur
Mötuneyti
Fjölskylduvænt starfsumhverfi

Hrafnista rekur átta hjúkrunarheimili á höfuðborgarsvæðinu og í Reykjanesbæ. Þau eru Laugarás, Sléttuvegur, Skógarbær, Boðaþing, Ísafold, Hraunvangur, Hlévangur og Nesvellir.

Markmið Hrafnistu er að veita framúrskarandi þjónustu til þess að íbúar og aðrir þjónustuþegar upplifi öryggi, traust og vellíðan. Til að styðja við þetta markmið vinnur Hrafnista eftir hugmyndafræði sem lýsir hvaða upplifun, menningu og tilfinningu við viljum skapa bæði fyrir þjónustuþega og starfsfólk. Hugmyndafræðin er hjartað í starfseminni en samhliða er unnið að verkefnum sem ætlað er að bæta starfsumhverfið og þróa þjónustuna.

– Einkunnarorð okkar eru að við vinnum á heimili íbúa, þeir búa ekki á vinnustaðnum okkar -

Ef þú vilt vinna á vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.

Allar frekari upplýsingar um starfið veitir Inga Guðrún Sveinsdóttir deildarstjóri ([email protected])

Auglýsing birt21. febrúar 2025

Umsóknarfrestur3. mars 2025

Tungumálahæfni