Langar þig að aðstoða mig í mínu lífi?

Óska eftir að ráða aðstoðarkonu í 60 - 100% starf. Ég er hreyfihömluð kona, nota hjólastól og þarf aðstoð við flestar athafnir daglegs lífs heima hjá mér í Mosfellsbæ og úti í samfélaginu. Aðstoðarkonur þurfa að aðstoða mig við að ferðast á milli staða – aka bílnum mínum sem er sjálfskiptur og með lyftubúnaði sem ég leiðbeini með.

Ég er sviðshöfundur, listakona og skáld og þarf oft aðstoð við ýmislegt tengt þeim verkefnum. Að vera verklagin og með góðar fínhreyfingar er eitt af því sem aðstoðarkona þarf að búa yfir. Annað sem ég leita eftir í fari aðstoðarkonu er að eiga auðvelt með að lesa í aðstæður, geta dregið sig í hlé, vera til staðar en einnig haft ofan fyrir sér þegar rólegt er. Sé jákvæð, þolinmóð og geti tekið leiðsögn um þau verk sem ég þarf aðstoð við. Að geta stigið inn í mitt leikrit þar sem ég er hverju sinni.

Starfið byggir á hugmyndafræði um Sjálfstætt líf og Notendastýrða Persónulega Aðstoð – NPA. Um er að ræða vaktavinnu; daga, kvöld, nætur (þ.e. hvíldarvaktir, sofandi vaktir) og um helgar. Starfsmannaherbergi og sér baðherbergi er til staðar. Laun eru samkvæmt kjarasamningi NPA miðstöðvarinnar og Eflingar/SGS.