Vegagerðin

Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 350 starfsmenn Vegagerðarinnar starfa á 18 starfsstöðvum víðsvegar um landið.

Profil pracodawcy

Deildarstjóri þjónustudeildar á Austursvæði

Vegagerðin leitar að framsæknum einstaklingi í fjölbreytt og krefjandi starf deildarstjóra þjónustudeildar á Austursvæði. Deildarstjóri ber ábyrgð á stjórnun og rekstri þjónustudeildar á svæðinu og hefur yfirumsjón með öllum þjónustuverkefnum svæðisins sem nær frá Vopnafirði í norðri að Gígjukvísl á Skeiðarársandi í suðri. Vegakerfið er rúmlega 2.100 km langt og á því eru þrenn jarðgöng. Á þjónustudeild starfa um 15 starfsmenn á þremur þjónustustöðvum: í Fellabæ, á Reyðafirði og á Höfn. Svæðismiðstöð Austursvæðis er á Reyðarfirði.

Helstu verkefni og ábyrgð

Deildarstjóri leiðir starfsemi þjónustudeildar og tryggir að þjónustuverkefnum sé sinnt í samræmi við verklag.

Undirbúningur og áætlanagerð fyrir þjónustu og rekstur samgöngukerfis svæðisins, almennur rekstur og vetrarþjónusta.
Yfirumsjón með rekstri og starfsemi þjónustustöðva og vélaverkstæðis
Yfirumsjón með rekstri jarðganga
Umsjón með viðhaldi vegsvæða
Kostnaðareftirlit og birgðahald
Ábyrgð á starfsfólki og góðu starfsumhverfi
Öryggis- og umhverfismál á þjónustustöðvum
Samskipti við hagaðila á svæðinu

Menntunar- og hæfniskröfur

Háskólapróf sem nýtist í starfi, s.s. verkfræði, tæknifræði eða viðskiptafræði. Framhaldsnám er kostur.
Reynsla af stjórnun, rekstri og áætlanagerð er kostur
Reynsla af verkefnastjórnun er kostur
Framúrskarandi samskiptafærni og lausnamiðuð nálgun
Frumkvæði og faglegur metnaður
Skipulögð og öguð vinnubrögð í starfi
Öryggisvitund
Mjög góð íslenskukunnátta í rituðu og töluðu máli
Mjög góð tölvukunnátta

Áhugasamir einstaklingar, án tillits til kyns, eru hvattir til að sækja um. Í umsókninni komi fram upplýsingar um fyrri störf og upplýsingar um þær hæfnikröfur sem óskað er eftir, auk afrita af prófskírteinum. Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í sex mánuði frá því að umsóknarfrestur rennur út.

Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru. Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 350 starfsmenn Vegagerðarinnar starfa á 18 starfsstöðvum víðsvegar um landið.

Nánari upplýsingar veitir Loftur Þór Jónsson, svæðisstjóri Austursvæðis - [email protected] - 5221000

Utworzono ofertę pracy27. August 2025

Termin nadsyłania podań8. September 2025

Znajomość języków