Viltu leiða spennandi verkefni í endurbótum aflstöðva?
Við hjá Landsvirkjun vinnum stöðugt að því að bæta, þróa og tryggja rekstraröryggi og afköst virkjana okkar. Við leitum að metnaðarfullum verkefnastjóra til að leiða fjölbreytt og krefjandi verkefni í endurnýjun og viðhaldi á raf- og/eða vélbúnaði aflstöðva.
Í starfinu færð þú tækifæri til að leiða umfangsmikil verkefni sem skipta lykilmáli fyrir sjálfbæra orkuvinnslu framtíðarinnar. Starfið heyrir undir endurbótadeild framkvæmdasviðs og er starfsstöð í Katrínartúni 2. Þú munt vinna náið með öflugu teymi reyndra verkefnastjóra og samstarfsaðila víða innan fyrirtækisins og leiða verkefni allt frá undirbúningi og hönnun yfir í útboð og framkvæmdir á verkstað.
Við hverju má búast?
- að verkefni séu unnin eftir hágæða verklagi með öryggismál í fyrirrúmi
- að vinna í fjölbreyttu teymi með kraftmiklum fagaðilum innan og utan fyrirtækisins
- að taka þátt í að þróa og innleiða lausnir sem lengja líftíma búnaðar og auka orkunýtingu
Hefur þú eftirfarandi hæfni og reynslu sem nýtist í starfi?
- háskólamenntun á sviði iðn-, tækni- eða verkfræði
- reynsla af verkefnastjórnun eða teymisstjórnun í framkvæmdum
- þekking og reynsla af raf- og/eða vélbúnaði, hvort sem er í hönnun, rekstri eða viðhaldi
- þekking á orkuvinnslu, orkuflutningi eða skyldum iðnaði er kostur en ekki skilyrði
- framúrskarandi samskipta- og skipulagshæfni, og metnað til að vaxa í starfi
Hvernig vinnustaður er Landsvirkjun?
Við leggjum áherslu á fagmennsku, sjálfbærni og stöðugar umbætur. Verkefnastjóri í þessu starfi hefur bein áhrif á orkuvinnslugetu framtíðarinnar og fær tækifæri til að hafa langtímaáhrif á mikilvæg mannvirki. Við styðjum við starfsfólk okkar með símenntun, sveigjanleika og góðu starfsumhverfi þar sem jafnrétti, traust og samvinna eru í forgrunni.
Hljómar þetta spennandi?
Sendu okkur umsókn með ferilskrá og kynningarbréfi þar sem þú segir frá reynslu þinni og hvað kveikir áhuga þinn á starfinu. Fyrirspurnir má senda á netfangið [email protected]. Sótt er um á vef Landsvirkjunar www.landsvirkjun.is/storf
