Vegagerðin

Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 350 starfsmenn Vegagerðarinnar starfa á 18 starfsstöðvum víðsvegar um landið.

About

Vilt þú taka beinan þátt í uppbyggingu vegakerfisins á Vesturlandi og Vestfjörðum?

Vegagerðin leitar að metnaðarfullum einstaklingi sem vill leggja sitt af mörkum til að byggja upp og viðhalda vegakerfinu á svæðinu. Auglýst er eftir sérfræðingi til að vera hluti af öflugu teymi Vegagerðarinnar á svæðinu. Framundan eru krefjandi verkefni í viðhaldi og uppbyggingu vegakerfisins á Vesturlandi og Vestfjörðum og því leitar Vegagerðin á Vestursvæði eftir einstaklingi til þess að leiða þá vinnu.

Um er að ræða fullt starf á umsjónardeild Vestursvæðis. Á svæðinu starfa um 50 manns á sex starfsstöðvum og er starfsstöðin í Borgarnesi eða á Ísafirði.
Tekið skal fram að starfið felur í sér ferðalög um Vestfirði og Vesturland og þurfa umsækjendur að vera tilbúnir til að sinna verkefnum á starfssvæðinu öllu.

Helstu verkefni og ábyrgð

Eftirlit og umsjón með viðhaldi vega á öllu Vestursvæði
Áætlanagerð viðhaldsverkefna
Umsjón og áætlanagerð með efnisvinnslu á Vestursvæði
Rýni útboðsgagna í nýframkvæmdar- og viðhaldsverkefnum
Skráning gagna í framkvæmdakerfi
Skýrslugerð tengd framkvæmdum og viðhaldi

Menntunar- og hæfniskröfur

Verkfræðingur, tæknifræðingur eða sambærileg menntun er æskileg
Almenn ökuréttindi
Starfsreynsla af sambærilegu starfi
Góð tölvukunnátta skilyrði
Nákvæmni og öguð vinnubrögð
Frumkvæði og hæfni til að vinna sjálfstætt sem og í hóp
Góðir samstarfshæfileikar og þjónustulund
Gott vald á íslensku og ensku
Góð öryggisvitund

Laun samkvæmt gildandi kjarasamningi sem fjármála- og efnahagsráðherra og Verkfræðingafélag Íslands hafa gert.

Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru.
Áhugasamir einstaklingar, án tillits til kyns, eru hvattir til að sækja um.

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu, auk afrita af prófskírteinum. Laun eru greidd samkvæmt kjarasamningi ríkisins og viðkomandi stéttarfélags.

Tekið skal fram að umsóknir geta gilt í sex mánuði frá því að umsóknarfrestur rennur út. Öllum umsóknum um starfið verður svarað þegar ákvörðun um ráðningu hefur verið tekin.

Starfshlutfall er 100%

Umsóknarfrestur er til og með 01.09.2025

Nánari upplýsingar veitir

Dagný Ósk Halldórsdóttir, deildarstjóri umsjónardeildar - [email protected] - 5221000
Pálmi Þór Sævarsson, svæðisstjóri Vestursvæðis - [email protected] - 5221000

Advertisement published19. August 2025

Application deadline1. September 2025

Language skills