Eimskip

Eimskip er alþjóðlegt flutningafyrirtæki sem sinnir gáma- og frystiflutningum í Norður-Atlantshafi og sérhæfir sig í flutningsmiðlun með áherslu á flutninga á frosinni og kældri vöru. Með siglingakerfi sínu tengir Eimskip saman Evrópu og Norður-Ameríku í gegnum Ísland. Félagið starfrækir 56 skrifstofur í 20 löndum og hefur á að skipa fjölbreyttum hópi starfsfólks en í heildina starfa um 1.700 manns af 43 þjóðernum hjá félaginu.

About

Viðskiptastjóri á innanlandssviði

Eimskip leitar að framsæknum og árangursdrifnum einstaklingi til framtíðarstarfa í stöðu viðskiptastjóra í sölu og viðskiptastýringu á innanlandssviði.

Um er að ræða fjölbreytt og krefjandi starf með spennandi tækifærum í alþjóðlegu umhverfi.

Starf viðskiptastjóra felst í viðskiptastýringu á þjónustuafurðum Eimskip innanlands, sinna tilboðs-og samningamálum í góðu samstarfi og samvinnu við allar starfstöðvar Eimskips á Íslandi sem og alþjóðasviði.

Á Innanlandssviði starfa um 400 starfsmenn í fjölbreyttum störfum á 18 starfsstöðvum víðs vegar um landið. Sviðið er leiðandi í innanlandsflutningum og vörudreifingu, og sinnir jafnframt vöruhúsa- og frystigeymsluþjónustu.

Helstu verkefni og ábyrgð

Þjónusta, ráðgjöf og samskipti við viðskiptavini
Tilboðs-og samningagerð
Vinna að markaðsgreiningum
Koma á og viðhalda viðskiptasamböndum
Önnur tilfallandi verkefni

Menntunar- og hæfniskröfur

Háskólamenntun og/eða reynsla sem nýtist í starfi
Sölu- og samningafærni
Greiningarhæfni
Nákvæmni, frumkvæði og sjálfstæð vinnubrögð
Góð almenn tölvukunnátta
Góð íslensku- og enskukunnátta í rituðu og töluðu máli
Góð samskiptahæfni

Fríðindi í starfi

Öflugt starfsmannafélag sem rekur m.a. orlofshús víðs vegar um landið
Heilsu- og hamingjupakki sem inniheldur samgöngustyrk og styrki fyrir líkamsrækt, sálfræðiþjónustu og fleira
Gott mötuneyti og matur niðurgreiddur fyrir starfsfólk
Nútímaleg vinnuaðstaða
Sveigjanlegt og fjölskylduvænt vinnuumhverfi

Umsóknarfrestur er til og með 22.október 2025.

Nánari upplýsingar veitir Pálmar Viggósson, forstöðumaður, [email protected].

Eingöngu er tekið á móti umsóknum á ráðningarvefnum. Hreint sakavottorð og 18 ára aldur er skilyrði fyrir ráðningu hjá Eimskip.

Eimskip hefur skýra stefnu í sjálfbærnimálum og hefur sett sér metnaðarfull markmið þegar kemur að þessum málaflokkum meðal annars að vera kolefnishlutlaus fyrir árið 2040. Áhersla er lögð á jöfn tækifæri í góðu starfsumhverfi þar sem verkefnamiðað vinnurými skipar stóran sess.

Advertisement published8. October 2025

Application deadline22. October 2025

Language skills