Verkefnastjóri viðhaldsmála á Mývatnssvæði

Við hjá Landsvirkjun leggjum áherslu á að endurbæta og viðhalda aflstöðvum okkar, til að lengja líftíma raf- og vélbúnaðar og nýta hann eins og best verður á kosið. Á Mývatnssvæði starfar öflugur hópur fólks með breiða þekkingu og reynslu af nýtingu jarðhita við vinnslu endurnýjanlegrar orku. Við rekum þrjár jarðgufuvirkjanir; Kröflustöð, Þeistareykjastöð og Gufustöðina í Bjarnarflagi.

Við leitum að verkefnastjóra til að skipuleggja viðhald og verkstýra metnaðarfullum hópi vaktmanna sem sinna krefjandi verkefnum í rekstri og viðhaldi jarðgufuvirkjana svæðisins. Viðkomandi hefur drifkraft, umbótavilja og getu til að starfa sjálfstætt að úrlausn tæknilega flókinna verkefna. Unnið er í dagvinnu.