Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

About

Verkefnastjóri á menntadeild

Landspítali óskar eftir að ráða öflugan og metnaðarfullan verkefnastjóra til starfa á menntadeild. Starfið felst í umsjón með færni- og hermisetri Landspítala og heilbrigðisvísindasviðs Háskóla Íslands.

Um er að ræða spennandi og fjölbreytt starf fyrir einstakling sem hefur áhuga á nýsköpun, skipulagi, þjónustu, tækni og teymisvinnu. Verkefnastjóri gegnir lykilhlutverki í daglegri starfsemi setursins og tekur þátt í áframhaldandi uppbyggingu þess.

Á menntadeild starfar öflugur hópur í nánu samstarfi við aðrar fagstéttir spítalans. Áhersla er lögð á öryggi sjúklinga, teymisvinnu, fagmennsku og nýsköpun. Starfshlutfall er 70-80% og er starfið laust samkvæmt samkomulagi.

Helstu verkefni og ábyrgð

Umsjón með starfsemi setursins
Umsjón með bókunum á húsnæði, búnaði o.fl.
Undirbúningur og frágangur vegna námskeiða
Innkaup og rekstur búnaðar
Tæknilegur stuðningur við starfsemi setursins
Samskipti við námskeiðsstjóra og aðra samstarfsaðila

Menntunar- og hæfniskröfur

Heilbrigðismenntun á háskólastigi
Mjög góð samskiptahæfni, jákvætt viðmót og þjónustulund
Skipulögð vinnubrögð og sjálfstæði í starfi
Frumkvæði og metnaður til að ná árangri
Sveigjanleiki og hæfni til að takast á við fjölbreytt verkefni
Góð tækni- og tölvukunnátta
Góð íslenskukunnátta
Þekking á starfsemi Landspítala er kostur

Starfshlutfall: 70-80%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja náms- og starfsferilskrá, kynningarbréf, afrit af prófskírteinum og starfsleyfi, eftir því sem við á. Fylgiskjöl skulu vera á PDF-formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklinga starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, verkefnastjóri,

Tungumálahæfni: Íslenska 4/5

Staðsetning: Skaftahlíð 24, 105 Reykjavík

Nánari upplýsingar

Hrund Scheving Thorsteinsson

Tölvupóstur: [email protected]

Advertisement published20. April 2026

Application deadline15. May 2026

Language skills

Icelandic

Required

Advanced

Location

Skaftahlíð 24, 105 Reykjavík

Type of work

Professions

Job Tags

Other jobs (34)