Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

About

Velferðarsvið – Sérfræðingur í barnaverndarþjónustu

Velferðarsvið Reykjanesbær leitar að metnaðarfullum og ábyrgðarfullum sérfræðingi í fullt starf í barnavernd. Viðkomandi mun sinna fjölbreyttum og krefjandi verkefnum í þágu barna og fjölskyldna í Reykjanesbæ eins og barnaverndarmálum, fósturmálum, ráðgjöf við foreldra og börn. Lögð er áhersla á öflugt barnaverndarstarf, þverfaglegt samstarf við aðrar deildir sviðsins og helstu samstarfsstofnanir

Starfið krefst viðtækrar þekkingar á sviði barnaverndar- og stjórnsýslulaga, úrræðum sveitarfélaga og ríkis, auk þess sem þekking á málefnum barna og fjölskyldna er mikilvæg.

Gildi Reykjanesbæjar eru virðing, eldmóður og framsækni og mikilvægt er að viðkomandi endurspegli þau gildi í sínum störfum.

Helstu verkefni og ábyrgð

Meðferð og úrvinnsla barnaverndarmála
Vinna að fósturmálum
Ráðgjöf og stuðningur við börn og foreldra
Samstarf við leik-og grunnskóla og aðrar stofnanir sem tengjast börnum

Menntunar- og hæfniskröfur

Háskólamenntun sem nýtist í starfi
Viðbótarmenntun á sviði barnaverndar eða PMTO meðferðar er kostur
Reynsla af barnaverndar og fósturmálum er æskileg
Góð færni í mannlegum samskiptum, jákvæðni, sveigjanleiki og frumkvæði
Hæfni til þverfaglegs samstarfs
Hæfni til að starfa sjálfstætt og í teymi
Skipulögð og markviss vinnubrögð
Hæfni til að tjá sig í ræðu og riti á íslensku

Hlunnindi

Bókasafnskort
Gjaldfrjáls aðgangur að menningarhúsum
Gjaldfrjáls aðgangur í sund
Gjaldfrjáls aðgangur í strætó

Æskilegt er að viðkomandi geti hafið störf sem fyrst. Launakjör eru í samræmi við samning Sambands íslenskra sveitarfélaga og viðeigandi stéttarfélags.

Sótt er um starfið á vef Reykjanesbæjar, www.reykjanesbaer.is, undir laus störf. Umsóknum skal fylgja ferilskrá ásamt kynningarbréfi með rökstuðningi um hæfni viðkomandi í starfið. Öllum umsóknum verður svarað.

Áhugasamir einstaklingar, án tillits til kyns, eru hvattir til að sækja um.

Frekari upplýsingar um starfið veitir Henný Úlfarsdóttir, teymisstjóri barnaverndar, netfang [email protected] S. 421-6700.

Advertisement published30. July 2025

Application deadline8. August 2025

Language skills