Vörður tryggingar

Vörður hefur það að markmiði að bjóða viðskiptavinum viðeigandi vátryggingarvernd á samkeppnishæfu verði. Félagið leggur áherslu á einföld og þægileg vátryggingaviðskipti og persónulega þjónustu. Vörður hefur á að skipa þjónustulipru og vel upplýstu starfsfólki sem vinnur í fjölbreyttu og hvetjandi starfsumhverfi. Lögð er áhersla á traust og áreiðanleika í samskiptum. Lykillinn að farsælum rekstri Varðar er fólkið sem þar starfar. Við leggjum áherslu á starfsánægju, jafnrétti, gott starfsumhverfi, markvissa fræðslu og þjálfun starfsfólks og skemmtilegan vinnustað þar sem hver einstaklingur hefur áhrif og skiptir máli.

About

Teymisstjóri

Við leitum að drífandi og skemmtilegum einstaklingi í stjórnendateymi tjónaþjónustunnar. Um er að ræða spennandi starf sem felst í því að stýra nýju og sameinuðu teymi þeirra sem þjónusta viðskiptavini sem lenda í ökutækjatjónum. Viðkomandi mun heyra undir forstöðumann eignatjóna og vera hluti af öflugu stjórnendateymi Varðar. Í tjónaþjónustu Varðar starfar öflugur hópur fólks með breiðan bakgrunn og þekkingu og hefur það megin markmið að þjónusta viðskiptavini sem lenda í tjónum á framúrskarandi hátt.

Helstu verkefni og ábyrgð

Dagleg stjórnun og skipulag teymis
Þjónusta til viðskiptavina
Tjónamat og ákvörðun bótaskyldu ásamt kostnaðarmati og uppgjöri
Umsjón, samningagerð og samskipti við verkstæði
Gerð verkferla og tryggir skilvirkni í vinnslu
Yfirumsjón með umbótaverkefnum teymisins, drífur þau áfram og ryður hindrunum úr vegi
Þátttaka í stefnumótandi verkefnum

Menntunar- og hæfniskröfur

Leiðtogahæfni, jákvæðni og drifkraftur
Skipulögð og sjálfstæð vinnubrögð, frumkvæði og gagnrýnin hugsun
Framúrskarandi þjónustulund og hæfni í mannlegum samskiptum
Jákvætt hugarfar og vilji til að vera hluti af samhentu teymi
Reynsla af störfum í þjónustu, stjórnun mannauðs og störfum innan trygginga er æskileg
Menntun sem nýtist í starfi

Fríðindi í starfi

Við bjóðum uppá frábæra vinnuaðstöðu í höfuðstöðvum okkar í Borgartúni. Þar má finna mötuneyti í heimsklassa, líkamsræktarsal í húsinu, öflugt starfsmannafélag og skemmtilegan og góðan starfsanda.

Nánari upplýsingar um starfið veita Hrönn Vilhjálmsdóttir, forstöðumaður eignatjóna, netfang hronn.vilhjalmsdottir@vordur.is og Thelma Lind Steingrímsdóttir, mannauðsráðgjafi, netfang thelma.steingrimsdottir@arionbanki.is

Umsóknarfrestur er til og með 26. janúar nk.

Advertisement published14. January 2025

Application deadline26. January 2025

Language skills