Starfsmaður sértækrar heimaþjónustu - Fjölskyldu- og barnamálasvið

Fjölskyldu- og barnamálasvið Hafnarfjarðar óskar eftir að ráða starfsfólk í fullt starf í sértækri stuðningsþjónustu.

Um framtíðarstarf er að ræða sem unnið er á vöktum. Æskilegt að starfsmaður geti byrjað sem fyrst.

Starfsmaður aðstoðar þjónustuþega með miklar og flókar þjónustuþarfir og vinnur eftir stefnu Hafnarfjarðar í málefnum heimilislausra og veitir einstaklingsmiðaða þjónustu sem er skipulögð með tilliti til þarfa einstaklingsins.Tekið er mið af skaðaminnkandi hugmyndafræði og batamiðaðri nálgun.

Helstu verkefni og ábyrgð:

• Hvetur og styður notendur til sjálfshjálpar og félagslegrar virkni
• Veitir notendum stuðning við athafnir daglegs lífs
• Fylgir eftir áætlunum og verklagsreglum starfsstöðvar
• Leiðbeinir notendum og aðstoðar þá t.d. í læknisheimsóknir og við að nýta aðra þjónustu
• Styrkir sjálfsmynd notenda, sjálfsvirðingu og lífsgæði og efla vald þeirra yfir aðstæðum sínum og lífi og veita þeim félagslegan stuðning
• Aðstoðar við heimilisverk og hvetur notendur áfram
• Önnur verkefni samkvæmt starfslýsingu

Menntunar- og hæfniskröfur:

• Starfsþjálfun, námskeið sem nýtist í starfi
• Reynsla af vinnu með fólki með fjölþættan vanda
• Áhugi á skaðaminnkandi hugmyndafræði og batahugmyndafræði
• Samskipta og samstarfshæfni
• Sýnir nærgætni og sveigjanleika en getur sett mörk
• Geta til að aðlagast breyttum aðstæðum
• Frumkvæði, skipulögð vinnubrögð og sjálfstæði í starfi
• Góð íslenskukunnátta

Einstaklingurinn þarf að hafa bílpróf og bíl til umráða.

Skilyrði við ráðningu er að viðkomandi hafi hreint sakavottorð.

Umsóknarfrestur er til og með 23. maí 2025.

Launakjör eru samkvæmt kjarasamningi Sambands íslenskra sveitarfélaga við Starfsmannafélag Hafnarfjarðar.

Nánari upplýsingar veitir Áslaug Erla Hansdóttir teymisstjóri sértækrar heimaþjónustu [email protected] eða í síma 585 5500.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.