Fjölskyldusvið

Múlaþing er nýtt sveitarfélag á Austurlandi með rúmlega 5000 íbúum. Undir Fjölskyldusvið Múlaþings heyra félagsmál, fræðslumál, íþrótta- og æskulýðsmál.

About

Stuðningsþjónusta á Egilsstöðum - sumarstarf

Um er að ræða sumarstarf í stuðningsþjónustu á Egilsstöðum hjá fjölskyldusviði Múlaþings frá 2. júní 2025, en möguleikar eru á áframhaldandi ráðningu.

Starfið felst meðal annars í að virkja einstaklinga til félagslegrar virkni og aðstoða við daglegar athafnir. Starfshlutfall er 50%-100%. Vinnutími getur verið sveigjanlegur og starfið gæti því líka hentað sem aukavinna seinnipart dags eða um helgar. Um tímabundna ráðningu er að ræða.

Næsti yfirmaður er deildarstjóri í félagslegri ráðgjöf.

Menntunar- og hæfniskröfur

Sveigjanleiki og færni í mannlegum samskiptum.
Frumkvæði og sjálfstæði í starfi.
Íslenskukunnátta.
Ökuréttindi eru nauðsynleg.
Þekking og reynsla sem nýtist í starfi væri kostur.
Hreint sakavottorð.

Launakjör eru samkvæmt kjarasamningum sveitarfélaga við viðkomandi stéttarfélag.

Öllum umsóknum skal fylgja yfirlit yfir nám og/eða fyrri störf og kynningabréf. Einungis er tekið við rafrænum umsóknum í gegnum ráðningavef sveitarfélagsins hjá Alfreð og fara samskipti og úrvinnsla umsókna þar fram.

Þeir sem ráðnir eru til starfa hjá fjölskyldusviði Múlaþings þurfa að veita heimild til að leitað sé upplýsinga úr sakaskrá hjá Ríkissaksóknara. Vinnustaðir Múlaþings eru reyklausir og fjölskylduvænir.

Tekið er mið af jafnréttisáætlun Múlaþings við ráðningar í störf hjá sveitarfélaginu.

Umsóknir skulu sendast í gegnum Alfreð ráðningarkerfið og umsóknarfrestur er til 19. maí 2025.

Nánari upplýsingar um starfið veitir Aðalheiður Árnadóttir, í síma 470 0700 og á netfanginu [email protected].

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is.

Advertisement published5. May 2025

Application deadline19. May 2025

Language skills