Hrafnista

Hrafnista er stærsta hjúkrunarheimili landsins og alls eru heimilin átta talsins í fimm sveitarfélögum. Þau eru Hrafnista Laugarási, Hraunvangi, Boðaþingi, Ísafold, Skógabæ, Sléttuvegi, Hlévangi og Nesvöllum. Hjá Hrafnistu starfar öflugur hópur einstaklinga með fjölbreytta menntun, starfsreynslu og með fjölbreyttan bakgrunn. Ef þú hefur áhuga á að bætast í Hrafnistuhópinn skaltu endilega senda inn umsókn, Hlökkum til að heyra frá þér.

About

Starfsmaður í borðsal - Hrafnista Laugarási

Hrafnista Laugarási óskar eftir að ráða til sín verkstjóra í borðsal. Við leitum af jákvæðum, sjálfstæðum og þjónustulunduðum einstaklingi sem er tilbúinn til að takast á við fjölbreytt verkefni í skemmtilegu og lifandi umhverfi.

Starfshlutfall er 100%. Mikilvægt er að viðkomandi geti tekið dag- og kvöldvaktir í bland á virkum dögum sem og aðra hvora helgi.

Verkstjóri í borðsal sér um undirbúning og frágang á matmálstímum ásamt því að undirbúa veitingar fyrir fundi og veislur og sjá um innkaup og beiðnir fyrir borðsalinn.

Helstu verkefni og ábyrgð

Skipulagning og utanumhald í borðsal
Þjónusta í borðsal og almenn afgreiðsla
Undirbúningur á veitingum fyrir kaffisölu og fundi og minniháttar bakstur
Frágangur og þrif
Innkaup og pantanir

Menntunar- og hæfniskröfur

Matráður, þjónn eða annað sem nýtist í starfi
Þjónustulund og jákvæðni
Hæfni í mannlegum samskiptum
Sjálfstæð vinnubrögð og sveigjanleiki í starfi
Reynsla af sambærilegu starfi kostur
Íslenskukunnátta skilyrði
Almenn tölvukunnátta

Hrafnista rekur sjö hjúkrunarheimili á höfuðborgarsvæðinu og í Reykjanesbæ. Þau eru Laugarás, Sléttuvegur, Skógarbær, Boðaþing, Ísafold, Hraunvangur og Nesvellir.

Markmið Hrafnistu er að veita framúrskarandi þjónustu til þess að íbúar og aðrir þjónustuþegar upplifi öryggi, traust og vellíðan. Til að styðja við þetta markmið vinnur Hrafnista eftir hugmyndafræði sem lýsir hvaða upplifun, menningu og tilfinningu við viljum skapa bæði fyrir þjónustuþega og starfsfólk. Hugmyndafræðin er hjartað í starfseminni en samhliða er unnið að verkefnum sem ætlað er að bæta starfsumhverfið og þróa þjónustuna.

– Einkunnarorð okkar eru að við vinnum á heimili íbúa, þeir búa ekki á vinnustaðnum okkar -

Ef þú vilt vinna á vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.

Unnið verður úr umsóknum jafnóðum og þær berast.

Nánari upplýsingar um starfið veitir Heiða Hrönn Harðardóttir, þjónustustjóri ([email protected]).

Advertisement published13. January 2026

Application deadline25. January 2026

Language skills