FSRE

Framkvæmdasýslan - Ríkiseignir (FSRE) er opinber stofnun sem hefur það hlutverk að þróa og reka aðstöðu á vegum ráðuneyta, stofnana og annarra ríkisaðila með hagkvæmum, vistvænum og ábyrgum hætti. FSRE ber ábyrgð á skipulagningu, þróun, nýtingu og rekstri fasteigna í eigu íslenska ríkisins. Fasteignasafn ríkisins er eitt af stærstu fasteignasöfnum landsins með um 530 þúsund fermetrum húsnæðis. Stofnunin leigir þar að auki um 100 þúsund fermetra húsnæðis á almennum markaði til framleigu fyrir stofnanir og ráðuneyti. Jarðasjóður, sem einnig er hluti af FSRE, heldur utan um eignarhald og umsýslu á um 380 jörðum og jarðeignum ríkisins með það að markmiði að nýta land og auðlindir á ábyrgan og sjálfbæran hátt. Um þessar mundir vinnum við að um 130 þróunarverkefnum sem snerta flest svið mannlífsins; s.s. heilbrigðis- og velferðarmál, menningu, menntun, löggæslu, dómskerfi, náttúru og friðlýst svæði. Framundan eru spennandi tímar í þróun sameinaðrar stofnunar. Við leitum því að jákvæðu og drífandi fólki sem hefur brennandi áhuga á að taka þátt í vegferðinni með okkur.

About

Spennandi starf í fasteignaumsýslu

FSRE leitar að lausnamiðuðum, nákvæmum og jákvæðum einstaklingi með þekkingu og áhuga á fasteigna- og leigumálum. Starfið felur í sér þjónustu við opinbera aðila og samskipti við leigusala. Viðkomandi mun tilheyra teymi sérfræðinga á þjónustusviði sem veitir ráðgjöf og stuðning við verkefni í umsjón FSRE.

FSRE hefur yfirumsjón með húsnæðisöflun fyrir stofnanir ríkisins. Auk þess að stýra hönnun, undirbúningi og eftirliti með framkvæmdum við nýbyggingar felur starfsemin í sér verkefni sem varða breytingar og endurbætur á húsnæði, kaup og sölu fasteigna, aðstöðustýringu og almenna ráðgjöf til ráðuneyta og stofnana. Einnig hefur FSRE umsjón með uppbyggingu ofanflóðavarna og náttúruinnviða um land allt.

Helstu verkefni og ábyrgð

Öflun húsnæðis fyrir ríkisaðila
Samningaviðræður og samningagerð
Samskipti við leigusala og leigutaka á leigutíma
Framsetning gagna vegna ákvarðanatöku um framgang verkefna
Þátttaka í þróun á þjónustu FSRE og almennum umbótaverkefnum
Samskipti og ráðgjöf til opinbera aðila svo sem ráðuneyta

Menntunar- og hæfniskröfur

Háskólamenntun sem nýtist í starfi
Reynsla og þekking af fasteigna- og leigumálum
Reynsla af teymisvinnu og verkefnastýringu
Þekking eða reynsla af opinberri stjórnsýslu er kostur
Þekking á þjónustuferlum og nýtingu gervigreindar er kostur
Framúrskarandi samskipta- og samstarfshæfni
Frumkvæði, metnaður, skipulagsfærni og öguð vinnubrögð
Góð íslenskukunnátta og hæfni í tjáningu í ræðu og riti

Öllum umsóknum þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Um er að ræða fullt starf. FSRE hefur hlotið jafnlaunavottun og eru laun samkvæmt gildandi kjarasamningi viðkomandi stéttarfélags og fjármála- og efnahagsráðherra f.h. ríkissjóðs. Áhugasamir einstaklingar, óháð kyni, eru hvattir til að sækja um. Umsóknir geta gilt í sex mánuði frá birtingu auglýsingar, sbr. reglur nr. 1000/2019, um auglýsingar lausra starfa.

Æskilegt er að viðkomandi geti hafið störf sem fyrst. Umsókn óskast fyllt út á Starfatorgi.

Nánari upplýsingar veitir Hildur Georgsdóttir, framkvæmdastjóri ([email protected]).

Hjá FSRE starfa rúmlega 70 sérfræðingar með breiða þekkingu á sviði fasteignaþróunar, framkvæmda og rekstrar. Við erum spennandi vinnustaður á fleygiferð inn í framtíðina, bjóðum upp á verkefnamiðað vinnuumhverfi og sveigjanlegan vinnutíma. Við brennum fyrir jafnrétti, frábærri vinnustaðamenningu og fjölskylduvænum vinnustað.

FSRE ber ábyrgð á skipulagningu, þróun, nýtingu og rekstri fasteigna í eigu íslenska ríkisins. Hlutverk FSRE er að stuðla að hagkvæmri, vistvænni og ábyrgri meðferð eigna í þágu opinberrar starfsemi og samfélagsins í heild.

Fasteignasafn ríkisins er eitt af stærstu fasteignasöfnum landsins með um 530 þúsund fermetrum húsnæðis. Stofnunin leigir þar að auki um 100 þúsund fermetra húsnæðis á almennum markaði til framleigu fyrir stofnanir og ráðuneyti.

Jarðasjóður, sem einnig er hluti af FSRE, heldur utan um eignarhald og umsýslu á um 380 jörðum og jarðeignum ríkisins með það að markmiði að nýta land og auðlindir á ábyrgan og sjálfbæran hátt.

Advertisement published27. August 2025

Application deadline8. September 2025

Language skills