Skóla- og frístundaliðar í frístundaheimilið Lækjarsel - Lækjarskóli 

Lækjarskóli óskar eftir að ráða skóla- og frístundaliða í 50% til lok skólaársins í frístundaheimilið Lækjarsel.

Um er að ræða starf sem felur í sér stuðning og aðstoð við nemendur í frístundaheimilinu Lækjarseli eftir hádegi alla virka daga. Eftir að hefðbundnum skóla lýkur geta nemendur í 1.-4. bekk farið í frístundaheimilið Lækjarsel. Starfsemi Lækjarsels er í skólanum. Lækjarsel býður upp á fjölbreytt tómstundastarf og útiveru til klukkan 16:30, alla virka daga, óháð getu, þroska eða fötlun barna. Sérstök áhersla er lögð á að koma til móts við alla hópa.

Möguleiki er á starfi á leikjarnámskeiði í sumar.

Einkunnarorð Lækjarskóla eru ábyrgð, virðing og öryggi, og endurspeglast allt skólastarfið í þessum orðum. Unnið er samkvæmt SMT-skólafærni sem þýðir að áhersla er lögð á að nálgast nemendur á jákvæðan hátt, gefa góðri hegðun meiri gaum og skapa jákvæðan skólabrag.

Helstu verkefni og ábyrgð:

• Starfar á frístundaheimili í hinum ýmsu tómstundum
• Tekur á móti nemendum og aðstoðar börn í leik og starfi
• Starfar með nemendum með sértækan vanda
• Önnur verkefni skv. starfslýsingu

Menntunar- og hæfniskröfur:

• Reynsla af starfi með börnum er æskileg
• Íslenskukunnátta skilyrði
• Almenn tölvukunnátta
• Mikill áhugi og metnaður til að starfa með börnum
• Uppbyggjandi í samskiptum, sveigjanleiki og mikil samstarfshæfni
• Frumkvæði og sjálfstæði í vinnubrögðum
• Stundvísi og samviskusemi

Skilyrði við ráðningur er að viðkomandi sé með hreint sakavottorð.

Umsóknarfrestur til og með 5. mars 2025.

Nánari upplýsingar fást hjá Bjarnveigu deildarstjóra tómstundamiðstöðvarinnar [email protected] eða Örnu skólastjóra [email protected]

Launakjör eru samkvæmt kjarasamningi Sambands íslenskra sveitarfélaga við Starfsmannafélag Hafnarfjarðar.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika.