Sérfræðingur í innkaupum

Komdu að kaupa inn!

Við hjá Landsvirkjun leitum að metnaðarfullum sérfræðingi til liðs við innkaupadeildina okkar. Innkaupadeildin vinnur með starfsfólki um allt fyrirtækið að kaupum á vörum og þjónustu. Við leggjum áherslu á fagleg vinnubrögð, vandaða ráðgjöf, gagnsæi og hagkvæmar lausnir. Í boði eru fjölbreytt og krefjandi verkefni í öflugu teymi sérfræðinga.

Sem sérfræðingur í innkaupum hefur þú umsjón með og tekur þátt í innkaupa- og útboðsverkefnum, veitir ráðgjöf um innkaup og samninga, og tekur virkan þátt í þróun verklags.

Við hverju má búast?

• Gerð útboðs- og samningsgagna
• Samskiptum við birgja og eftirfylgni samninga
• Greiningu gagna og hagnýtingu upplýsinga til stuðnings ákvörðunartöku
• Nýtingu þekkingar og hugmynda til að skapa virði
• Þátttöku í þróun og innleiðingu nýrra vinnubragða, stafrænna lausna og sjálfvirknivæðingu ferla

Hefur þú eftirfarandi hæfni og reynslu?

• Háskólamenntun sem nýtist í starfi
• Framúrskarandi samskiptahæfni og lausnamiðuð hugsun
• Reynsla af innkaupum, samningagerð, gagnagreiningu eða sjálfvirknivæðingu er styrkur en reynsla af opinberum innkaupum er kostur
• Greiningar- og skipulagshæfni ásamt stafrænni færni
• Áhugi á nýtingu gervigreindar og nýrra tæknilausna til að einfalda verklag og skapa virði
• Gott vald á íslensku og ensku í ræðu og riti

Hvernig vinnustaður er Landsvirkjun?

Við leggjum áherslu á fagmennsku, sjálfbærni og stöðugar umbætur. Í teyminu okkar færðu tækifæri til að vinna að metnaðarfullum verkefnum sem hafa raunveruleg áhrif á samfélagið. Við styðjum við starfsfólk okkar með símenntun, sveigjanleika og góðu starfsumhverfi og menningu, þar sem jafnrétti, traust og samvinna eru í forgrunni.

Hljómar þetta spennandi?

Sendu okkur umsókn með ferilskrá og kynningarbréfi þar sem þú segir frá reynslu þinni og hvað vekur áhuga þinn á starfinu. Fyrirspurnir má senda á [email protected]