Svæðisstjóri fyrirtækja á Suðurlandi

Fyrirtækja- og fjárfestingarbankasvið Arion banka leitar að öflugum svæðisstjóra fyrirtækja á Suðurlandi. Svæðisstjóri ber ábyrgð á daglegri stjórnun fyrirtækjateymis í útibúi Arion á Selfossi og leiðir sókn og þjónustu við vaxandi fyrirtækjabók samstæðunnar á Suðurlandi.

Svæðisstjóri heyrir undir forstöðumann fyrirtækja og fyrirtækjatrygginga, sem leiðir banka- og tryggingaþjónustu við smærri og meðalstór fyrirtæki um land allt. Viðkomandi er hluti af reyndu stjórnendateymi sem stýrir teymum með afmörkuð hlutverk í fyrirtækjaþjónustu á höfuðborgarsvæðinu og landsbyggðinni. Sviðið veitir fyrirtækjum, stofnunum og sveitarfélögum alhliða fjármála- og tryggingaþjónustu og stýrir fjölbreyttum fjármögnunarverkefnum. Áhersla er á náið samstarf, faglega ráðgjöf og framúrskarandi þjónustu sem miðast við þarfir hvers fyrirtækis.

Starfið felur í sér virka markaðssókn, uppbyggingu öflugra viðskiptasambanda á Suðurlandi og náið samstarf við Vörð tryggingar um sölu og þjónustu fyrirtækjatrygginga. Þjónusta sviðsins nær meðal annars til fjölbreyttra fjármögnunarlausna og almennrar bankaþjónustu fyrir fyrirtæki.

Leitað er að hvetjandi, framsýnum og söludrifnum stjórnanda með leiðtogahæfileika, góð atvinnulífstengsl og framúrskarandi samskipta- og þjónustuhæfni. Viðkomandi þarf að hafa brennandi áhuga á að efla viðskiptasambönd og skapa ný tækifæri. Góð þekking á íslensku viðskiptalífi er mikill kostur. Starfinu geta fylgt ferðalög innanlands og því fylgir þátttaka í atvinnulífsviðburðum, stundum utan hefðbundins vinnutíma.