Arion banki

Starfsfólk Arion banka er kjarninn í starfsemi bankans og kappkostar bankinn að búa vel að starfsfólki sínu. Arion banki er lifandi vinnustaður þar sem starfsumhverfið einkennist af fagmennsku, framsækni, umhyggju og tryggð Hjá Arion banka starfa um 900 manns, þar af eru 65% konur og 35% karlar. Kynjaskipting á meðal stjórnenda bankans er fremur jöfn og sama gildir um aldursdreifingu innan bankans en meðalaldur starfsfólks Arion banka er 42 ár. Fjölmargt starfsfólk hefur sýnt bankanum og forverum hans mikla tryggð og eru dæmi um að starfsfólk sé með meira en 40 ára starfsaldur. Meðal starfsaldur hjá Arion banka er tíu ár.

About

Sérfræðingur í rekstrar- og sjálfbærniáhættu

Arion banki leitar að lausnamiðuðum sérfræðingi til starfa í Rekstrar- og sjálfbærniáhættu innan Áhættustýringar.

Teymið þróar aðferðir og umgjörð til að greina, meta og hafa eftirlit með rekstrar- og sjálfbærniáhættu og vinnur náið með öðrum einingum bankans að því að styrkja áhættustýringu og innra eftirlit. Við leggjum áherslu á gagnadrifna og framsýna áhættustýringu, þar sem gögn, sjálfvirkni og ný tækni eru nýtt til að greina þróun áhættu, finna mynstur og styðja við betri ákvarðanatöku.

Við leitum að einstaklingi með ríka greiningarhæfni, áhuga á tækni og nýtingu gagna og vilja til að takast á við fjölbreytt viðfangsefni.

Helstu verkefni og ábyrgð

Greining á fjölbreyttri starfsemi bankans
Þróun mælikvarða, lykiláhættuvísa og annarra greininga sem styðja við virka áhættustýringu
Áhættumöt, úttektir, mat á virkni stýringa og greining frávika
Þátttaka í þróun og hagnýtingu kerfa og tæknilausna sem styðja við áhættustýringu, þar á meðal sjálfvirkni og gervigreind
Sviðsmyndagreiningar og önnur greiningarvinna á rekstrar- og sjálfbærniáhættu
Skýrslugjöf og miðlun niðurstaðna til stjórnenda og annarra hagaðila

Menntunar- og hæfniskröfur

Háskólamenntun sem nýtist í starfi, t.d. á sviði viðskipta, verkfræði, tölvunarfræði, hagfræði, tölfræði, eða sambærilegra greina
Góð greiningarhæfni og hæfni til að vinna með og túlka gögn
Áhugi á því að nýta tækni, sjálfvirkni og gervigreind til að bæta verklag og greiningar
Sjálfstæð og skipulögð vinnubrögð, frumkvæði og gagnrýnin hugsun
Góð samskiptafærni og hæfni til að miðla flóknum niðurstöðum á skýran og einfaldan hátt
Þekking á ferlum, gæðamálum og úttektum er kostur
Þekking á áhættustýringu, ferlum, innra eftirliti og starfsemi fjármálafyrirtækja er kostur
Góð færni í íslensku og ensku í ræðu og riti

Nánari upplýsingar um starfið veita Kristján Andrésson, forstöðumaður ([email protected]) og Birna Dís Birgisdóttir, mannauðsráðgjafi, ([email protected])

Umsóknarfrestur er til og með 20. nóvember 2026.

Fullum trúnaði er heitið. Öllum umsóknum verður svarað þegar ákvörðun um ráðningu liggur fyrir.

Advertisement published6. November 2026

Application deadline20. November 2026

Language skills