Sérfræðingur í greiningu fyrirtækja/ ráðgjöf við eignastýringu

Fjármála-og áhættustýringarsvið Reykjavíkurborgar óskar eftir að ráða öflugan sérfræðing í nýtt starf við greiningu á rekstri félaga í eigu Reykjavíkurborgar.

Félög sem tilheyra Reykjavíkurborg eru m.a. Orkuveita Reykjavíkur og dótturfélög, Almenningssamgöngur höfuðborgarsvæðisins (Strætó), Faxaflóahafnir og Félagsbústaðir.

Leitað er eftir einstaklingi með þekkingu á rekstri fyrirtækja, greiningum, lestri ársreikninga og eignastýringu. Viðkomandi þarf að búa yfir góðri samskiptahæfni, frumkvæði og tileinka sér sjálfstæð vinnubrögð.

Sérfræðingur í greiningu fyrirtækja ber ábyrgð á að fylgjast með rekstri og fjárhag félaganna ásamt því að sinna stefnumótandi ráðgjöf, greiningum, skýrslugerð og undirbúa svörun fyrirspurna fyrir hönd eiganda. Viðkomandi vinnur að úttektum, sinnir ritun greinargerða og umsagna auk almennrar upplýsingagjafar innan fjármála- og áhættustýringarsviðs eftir því sem við á. Sérfræðingur í greiningu fyrirtækja vinnur einnig að gerð áhættugreininga og ábatamats í samvinnu við áhættustjóra Reykjavíkurborgar.

Í boði er spennandi tækifæri til að leggja sitt af mörkum á stærsta vinnustað landsins þar sem fagmennska og aðhald skipta máli. Við bjóðum upp á fjölbreytt og krefjandi verkefni með tækifæri til starfsþróunar.

Starfið tilheyrir skrifstofu sviðsstjóra á fjármála- og áhættustýringarsviði og hefur skrifstofan aðsetur að Borgartúni 12-14.