Fjarskiptastofa

Fjarskiptastofa gegnir veigamiklu hlutverki á sviði netöryggis hér á landi og er ætlað að stuðla að öryggi almennings, fyrirtækja og samfélagsins alls á sviði fjarskipta- og netöryggis. Stofnunin leiðir samráðsvettvang eftirlitsstjórnvalda á sviði eftirlits með netöryggi. Þá ber stofnuninni að horfa til almannahagsmuna og þjóðaröryggis við framkvæmd eftirlits síns á þessu sviði. Stofnunin er framsækinn samstarfsaðili um þróun öruggs stafræns samfélags og er fyrirséð að hlutverk hennar mun halda áfram að þróast samhliða hraðri framþróun stafrænnar tækni. Hjá stofnuninni starfar samhentur hópur um 35 sérfræðinga á sviði netöryggis, fjarskiptatækni og lögfræði. Mikið er lagt upp úr að skapa jákvætt starfsumhverfi í skipulagðri teymisvinnu þar sem hver og einn hefur skilgreint ábyrgðarhlutverk og fær tækifæri til að hafa áhrif á þróun verkefna. Fjarskiptastofa eru fjölskylduvænn, lifandi og skemmtilegur vinnustaður þar sem áhersla er lögð á að starfsfólki líði vel í vinnunni og að starfsandi sé eins og best verður á kosið.

About

Viltu móta framtíð fjarskiptainnviða Íslands? Sérfræðingur í fjarskiptainnviðum og tíðnisviðum

Fjarskiptastofa leitar að tæknisinnuðum og lausnamiðuðum sérfræðingi til starfa við eftirlit og stjórnun tíðnisviðs og þráðlausra fjarskiptakerfa. Mögulega yrði um tvö störf að ræða.

Helstu verkefni og ábyrgð

Koma að stefnumótun og þróun íslenskra fjarskiptainnviða

Koma að tíðnistjórnun og mótun á tíðnistefnu Íslands.

Greining, mat og úrlausn verkefna sem tengjast tíðnisviðum

Upplýsingagjöf og samskipti við almenning og fjarskiptafyrirtæki

Þátttaka í alþjóðasamstarfi

Menntunar- og hæfniskröfur

Háskólapróf í verkfræði/tæknifræði eða sambærileg menntun eða áralöng reynsla af vinnu við fjarskiptakerfi

Þekking og reynsla af umsjón með fjarskiptum og upplýsingatækni er kostur

Öguð vinnubrögð, frumkvæði og sjálfstæði

Lipurð í samskiptum og góð færni í íslensku og ensku

Reynsla af verkefnastjórnun og almenn þekking á öryggi neta er æskileg

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Starfshlutfall er 100%. Æskilegt er að umsækjandi geti hafið störf sem fyrst.

Sækja skal um rafrænt á www.starfatorg.is og fylgja þarf ferilskrá og kynningarbréf.

Viðkomandi þarf að hafa hreint sakavottorð og forsenda ráðningar er að viðkomandi standist öryggisvottun á grundvelli varnamálalaga.

Við hvetjum þau sem eru áhugasöm til að sækja um starfið, óháð kyni og uppruna.

Tekið skal fram að umsóknir geta gilt í sex mánuði frá birtingu auglýsingar, sbr. reglur um auglýsingar lausra starfa nr. 1000/2019.

Hlutverk Fjarskiptastofu er að stuðla að hagkvæmri, öruggri og aðgengilegri fjarskiptaþjónustu og efla virka samkeppni á markaði. Einnig er það hlutverk Fjarskiptastofu að stuðla að og efla netöryggi.

FST starfar í síbreytilegu alþjóðlegu umhverfi og hvílir starfsemin annars vegar á alþjóðlegri þróun í fjarskiptum, upplýsingatækni og netöryggi og hins vegar á lagagrundvelli EES svæðisins. Flestir starfsmenn FST taka þátt í alþjóðlegum verkefnum.

Hjá Fjarskiptastofu starfa um 35 manns, aðallega sérfræðingar við úrlausn verkefna á sviði netöryggis, tæknimála, viðskipta og laga sem tengjast hlutverki stofnunarinnar.

Fjarskiptastofa er fjölskylduvænn og skemmtilegur vinnustaður þar sem mikil áhersla er lögð á vellíðan starfsfólks og góðan starfsanda.

Sjá einnig á www.fjarskiptastofa.is

Starfshlutfall er 100%

Umsóknarfrestur er til og með 27.01.2026

Nánari upplýsingar veitir

Ólafur Aðalsteinsson, Sviðsstjóri Fjarskiptainnviða - [email protected] -

Advertisement published15. January 2026

Application deadline27. January 2026

Language skills