Lífland leitar að öflugum aðila í rekstur tölvukerfa

Lífland leitar að öflugum aðila í rekstur og þróun tölvukerfa

Við hjá Líflandi leitum að drífandi og lausnamiðuðum einstaklingi til að taka þátt í áframhaldandi þróun og rekstri tölvukerfa fyrirtækisins. Starfið felur í sér náið samstarf við framkvæmdastjóra og stjórnendur fyrirtækisins með það að markmiði að tryggja að upplýsingatæknikerfi og stafrænar lausnir styðji sem best við daglega starfsemi og framtíðaruppbyggingu.

Helstu verkefni:

• Aðstoð við stjórnun og eftirfylgni verkefna sem tengjast upplýsingatækni og tölvukerfum
• Þátttaka í þróun og innleiðingu nýrra lausna, t.d. í tengslum við Dynamics 365 Business Central og aðra innviði
• Samvinna við þjónustuaðila og ráðgjafa sem koma að rekstri og þróun kerfa
• Greining á þörfum starfsfólks og mótun lausna í samráði við lykilnotendur
• Þátttaka í að skilgreina ferla og skjala verklag sem tengist upplýsingatæknimálum

Hæfniskröfur:

• Reynsla af upplýsingatækniverkefnum og/eða kerfisstjórnun, sérstaklega tengt ERP-kerfum er kostur
• Góð almenn tölvukunnátta og skilningur á samspili tækni og rekstrar
• Frumkvæði, skipulagshæfni og hæfni til að vinna sjálfstætt og í teymi
• Góð samskiptafærni og þjónustulund
• Menntun á sviði upplýsingatækni er æskileg

Við bjóðum:

• Tækifæri til að hafa raunveruleg áhrif á þróun tölvukerfa í rótgrónu og spennandi fyrirtæki
• Fjölbreytt verkefni
• Gott starfsumhverfi og öflugan hóp samstarfsfólks

Ef þú hefur áhuga á að taka þátt í áframhaldandi vexti og þróun Líflands, þá viljum við heyra frá þér!