Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

About

Leikskólinn Tröllaborgir: Matráður

Leikskólinn Tröllaborgir óskar eftir að ráða matráð til starfa. Um er að ræða 100% ótímabundið starf með vinnutímann frá kl. 7 til 15. Æskileg starfsbyrjun væri í júní eða eftir samkomulagi.

Lífsleikni í leikskóla eru áherslur Tröllaborga og byggir sú hugmyndafræði á kenningum ýmissa fræðimanna sem snúa að mannrækt og siðferðilegu gildismati í samfélagi manna og þeirri trú að efla og styrkja hið góða í hverjum einstaklingi bæði börnum og fullorðnum. Lögð er áhersla á að túlka lífsleiknina sem hugsjón sem þurfi að flæða yfir allt starf frekar en sem námsgrein innan skólans. Einnig er lögð áhersla á læsi og jóga.

Einkunnarorð skólans eru „Hugur- hjarta - hönd“.

Skólinn hefur tvær starfsstöðvar; að Tröllagili 29 og í Árholti Háhlíð 1.

Viltu vita meira? Kíktu í rafræna heimsókn https://trollaborgir.is

Helstu verkefni og ábyrgð

Hefur umsjón með daglegum rekstri eldhúss.
Er verkstjóri aðstoðarmatráða í eldhúsi leikskóla.
Annast matseld, bakstur, sérfæði nemenda og sér um framfylgd matseðla.
Sér um innkaup, birgðavörslu og frágang á vörum fyrir eldhús skólans, s.s. matvöru, borðbúnað og hreinlætisvörum fyrir skólann.
Fylgist með tækjum og búnaði og lætur vita ef þörf er að endurnýja eða lagfæra.
Annast matreiðslu og hefur umsjón með framreiðslu fæðis fyrir nemendur og starfsfólk.
Annast frágang í mötuneyti og dagleg þrif í eldhúsi samkvæmt þrifaáætlun, gólfþrif eru undanskilinn.
Sér um morgunmat, hádegisverð og síðdegishressingu fyrir nemendur.
Sér um þvotta, frágang og heldur þvottahúsi og þvottavélum snyrtilegum.
Sinnir öðrum þeim verkefnum sem yfirmaður felur honum og falla innan starfssviðs hans.

Menntunar- og hæfniskröfur

Matartækninám.
Þekking á gerð og framreiðslu matar.
Reynsla af starfi í mötuneyti.
Þekking á ráðleggingum Lýðheilsustöðvar varðandi skólamáltíðir er æskileg.
Almenn tölvuþekking er nauðsynleg.
Þarf að vera skipulagður, geta sýnt frumkvæði og sjálfstæði í vinnubrögðum.
Stundvísi, reglusemi og færni í samskiptum.
Kunnátta í skyndihjálp.
Snyrtimennska.
Góð íslenskukunnátta í ræðu og riti er skilyrði.
Góð enskukunnátta er æskileg.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Umsókninni skal fylgja greinargóð skýrsla um störf umsækjanda (ferilskrá) og þau verkefni sem hann hefur unnið að og varpað geta ljósi á hæfni hans í starfið.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Upplýsingar um kaup og kjör veitir launadeild Akureyrarbæjar: [email protected]

Nánari upplýsingar um starfið veita, Marthen Elvar Veigarsson Olsen starfandi skólastjóri í síma 469-4700, netfang: [email protected] og Anna Egilsdóttir starfandi aðstoðarskólastjóri í síma 469-4707, netfang: [email protected]

Einungis er tekið á móti rafrænum umsóknum.

Aðgengi að tölvu og aðstoð vegna umsókna stendur til boða í Þjónustuveri Akureyrarbæjar Geislagötu 9.

Umsóknarfrestur er til og með 1. maí 2026

Advertisement published21. April 2026

Application deadline1. May 2026

Language skills

Icelandic

Required

Advanced

English

Required

Intermediate

Location

Tröllagil 29, 603 Akureyri

Type of work

Skills

General computer knowledgeWaiterProactiveHuman relationsIndependencePlanningNeatness

Professions

Job Tags

Other jobs (14)