Rarik ohf.

Rarik er fjölskylduvænt og leiðandi tæknifyrirtæki með ríka samfélagslega ábyrgð. Hlutverk okkar er að auka verðmætasköpun og lífsgæði viðskiptavina með öruggri afhendingu á endurnýjanlegri orku og samfélagslega ábyrgum rekstri. Hjá okkur vinna rúmlega 200 á 20 starfsstöðvum vítt og breytt um landið og öll sérfræðistörf hjá okkur eru auglýst óháð staðsetningu sem þýðir að hægt er að velja á milli starfsstöðva. Við leggjum áherslu á fjölbreyttan mannauð og tökum vel á móti alls konar fólki.

About

Leiðtogi landupplýsingateymis

Við leitum að öflugum sérfræðingi til að taka þátt í uppbyggingu og þróun landupplýsingakerfa hjá Rarik. Um er að ræða lykilhlutverk í teymi sem er í mótun, þar sem viðkomandi mun leiða teymið og vinna náið með samstarfsaðilum að áframhaldandi þróun ArcGIS-umhverfis hjá Rarik. Jafnframt erum við að innleiða Utility Network fyrir raf- og hitaveitu, sem er eitt stærsta þróunarverkefni í landupplýsingum innan fyrirtækisins.

Helstu verkefni og ábyrgð

Landupplýsingateymi Rarik er gríðarlega mikilvægt þegar kemur að utanumhaldi allra okkar verkefna og eigna, framsetningu upplýsinga og framtíðaráforma sem tengjast orkuskiptum og notkun gervigreindar. Við leitum að leiðtoga sem getur stutt við uppbyggingu landupplýsingateymisins og stýrt innleiðingu og þróun á Utility Network. Á meðal verkefna eru samhæfing vinnu milli notenda, tæknifólks og ytri samstarfsaðila og þátttaka í greiningu, hönnun og umbótum á landupplýsingalausnum. Mikilvægt er að rétta manneskjan í starfið kunni þá list að stuðla að góðu samstarfi, þekkingarmiðlun og faglegum vinnubrögðum.

Menntunar- og hæfniskröfur

Sérfræðingur í landupplýsingateymi þarf að hafa háskólamenntun sem nýtist í starfi og þekkingu og reynslu af landupplýsingakerfum. Reynsla af vinnu með gagnagrunna og tæknilegar lausnir er kostur, sem og reynsla af verkefna- og/eða teymisstjórn. Við leitum sérstaklega eftir fólki með gott frumkvæði, sjálfstæð vinnubrögð og framúrskarandi samskiptafærni.

Landupplýsingateymið starfar á sviði þróunar og framtíðar hjá Rarik. Hér gefst sérfræðingum á sviði landupplýsinga tækifæri til að taka þátt í að leiða spennandi verkefni sem skipta máli og byggja upp frábært teymi á sviði sem lifir og hrærist í nýsköpun.

Við erum fjölskylduvænt þekkingar- og þjónustufyrirtæki í fararbroddi sem starfar af ábyrgð og nýtir bestu fáanlegu tækni með gagnkvæman hag að leiðarljósi. Við erum á spennandi vegferð inn í framtíðina og höfum mótað okkur skýra framtíðarstefnu.

Við leggjum áherslu á jafnrétti og fjölbreytileika mannauðs og tökum vel á móti alls konar fólki. Í boði er sveigjanleg staðsetning á starfsstöðvum okkar vítt og breytt um landið.

Advertisement published20. April 2026

Application deadline10. May 2026

Language skills