Nýr Landspítali - Verkefnastjóri á framkvæmdasviði

• Dagleg verkefnastjórnun: Stýring verklegra framkvæmda með áherslu á tíma-, kostnaðar- og gæðastjórnun.
• Áætlanagerð: Gerð, eftirfylgni og uppfærsla verk- og kostnaðaráætlana.
• Samskipti og teymisvinna: Dagleg samskipti og samhæfing við verktaka, hönnuði, verkeftirlit og ráðgjafa.
• Útboð og samningar: Þátttaka í gerð útboðsgagna, rýni tilboða og utanumhald samninga.
• Eftirlit og gæðamál: Vettvangsferðir, eftirlit með framvindu á verkstað og úrvinnsla frávika með verktaka og verkeftirliti.

Handleiðsla og leiðsögn:  Faglegur stuðningur, þjálfun og leiðbeiningar við yngri eða reynsluminni starfsmenn.

Við leitum að aðilum sem hafa sterkan tæknilegan bakgrunn og hæfileika til að leiða verkefni í mark.

• Menntun: Háskólagráða sem verkfræðingur, tæknifræðingur eða byggingarfræðingur.
• Fyrir reynslumikla umsækjendur: Víðtæk og haldbær reynsla af verkefnastjórnun eða stýringu verklegra framkvæmda er áskilin.
• Fyrir reynsluminni umsækjendur: Sterkur fræðilegur grunnur, mikill áhugi á verkefnastjórnun og ríkur vilji til að tileinka sér nýja þekkingu.

Tölvukunnátta: Góð færni í Microsoft 365 forritum t.d. word, excel og powerpoint. Þekking á upplýsingalíkönum (BIM) eða teikniforritum er kostur.

Við bjóðum

• Tækifæri til að koma að fjölbreyttum og samfélagslega mikilvægum verkefnum.
• Sveigjanleika sem miðar að góðu jafnvægi milli vinnu og einkalífs.
• Mjög góða möguleika á faglegri og persónulegri starfsþróun innan fyrirtækisins.
• Öflugt og líflegt starfsumhverfi þar sem rík áhersla er lögð á samvinnu og þekkingarmiðlun.

Nánari upplýsingar um starfið veitir Ólafur M. Birgisson sviðsstjóri framkvæmdasviðs í síma 896-7330 eða í tölvupósti á [email protected] . Farið verður með allar umsóknir sem trúnaðarmál.

NLSH tekur m.a. þátt í verkefnastjórn á þróunar-, hönnunar- og framkvæmdaverkefnum vegna húsnæðis Landspítala Háskólasjúkrahúss sem og uppbyggingu nýbygginga, gatnagerðar og lóðar við nýjan Landspítala við Hringbraut. Þá er félagið að sinna uppbyggingu á nýrri Grensásdeild Landspítala, Húsi Heilbrigðisvísindasviðs Háskóla Íslands sem og Sjúkrahússins á Akureyri. Félagið, sem er að fullu í eigu ríkisins, er í samstarfi við fjölmarga hagsmunaaðila m.a. stjórnvöld, Landspítalann, Sjúkrahúsið á Akureyri, Háskóla Íslands, Fasteignafélag HÍ, FSRE, sjúklingasamtök og sveitarfélög. Fjöldi ráðgjafa starfar fyrir og með NLSH. Nánari upplýsingar um NLSH má finna á www.nlsh.is?