Heimar

Við sköpum nútímalega, sjálfbæra borgarkjarna sem nærast á drifkrafti mannlegra samskipta Heimar er fasteignafélag sem fjárfestir í, leigir út og annast rekstur á atvinnuhúsnæði á Íslandi. Félagið er hlutafélag í dreifðu eignarhaldi og skráð í Kauphöll Íslands. Starfsfólk starfar á fimm starfsstöðvum við fjölbreytt störf og hefur starfsánægja aldrei mælst hærri. Með því að leggja áherslu á velferð og öryggi starfsfólks ásamt jafnrétti, mannréttindum, jöfnum launum kynja, heilsuvelferð og þekkingaröflun starfsfólks trúum við því að Heimar sé góður og eftirsóknarverður vinnustaður.

About

Húsvörður í Egilshöll

Heimar leita að metnaðarfullum einstakling til að sjá um húsumsjón í Egilshöll. Í boði er fjölbreytt og lifandi starf í góðum og samheldnum hópi. Í starfinu gefast tækifæri til að hafa umsjón með viðhaldsvinnu í einni af lykileignum Heima, Egilshöll.

Egilshöll er stærsta afþreyingar- og íþróttamiðstöð á Íslandi. Egilshöll er lifandi miðpunktur í Grafarvogi og þjónar þúsundum gesta á hverjum degi. Hér koma saman íþróttir, afþreying, menning og mannlíf undir einu þaki.

Egilshöll er kraftmikill vinnustaður þar sem fjölbreytt verkefni, öflug teymisvinna og góð samskipti skapa einstakt starfsumhverfi.

Helstu verkefni og ábyrgð

Almenn störf vegna húsvörslu og viðhalds, inni jafnt sem úti.
Þjónusta við viðskiptavini og iðkendur sem sækja húsið daglega.
Fyrirbyggjandi viðhald og skráning á ástandi kerfa.
Eftirlit og viðhald húskerfa. Daglegur rekstur og viðhald á húsnæði Egilshallar.
Viðbrögð við bilunum, bilanagreining og úrbætur.
Umsjón með þjónustuverktökum eftir atvikum.
Uppsetning búnaðar vegna viðburða.
Tilfallandi verkefni sem starfsmanni er falið af yfirmanni.

Menntunar- og hæfniskröfur

Iðnmenntun æskileg.
Reynsla af viðhalds- og kerfisvinnu er kostur.
Þekking á brunakerfum og öryggiskröfum er kostur.
Góð samskiptahæfni og samstarfsvilji.
Geta til að vinna sjálfstætt og sýna frumkvæði.

Við erum annað og meira.

Heimar er leiðandi fasteignafélag á Íslandi og er byggt á sterkum grunni. Við sköpum virði fyrir samfélagið, mótum borgarkjarna sem dafna og greiðum leiðina að sjálfbærri framtíð fyrir komandi kynslóðir.

Hjá Heimum starfa um 80 manns við fjölbreytt störf og leggjum við áherslu á að tryggja velferð, vellíðan og öryggi starfsfólks. Félagið hefur í gildi jafnlauna- og jafnréttisstefnur ásamt jafnlaunakerfi sem fyrirbyggir beina og óbeina mismunun vegna kyns. Við ráðningar er leitast við að jafna hlutföll kynjanna að uppfylltum hæfniskröfum.

Umsóknarfrestur er til og með 28. september.

Nánari upplýsingar um starfið veitir Gyða Björk Bergþórsdóttir, mannauðsstjóri, [email protected]

Advertisement published19. September 2025

Application deadline28. September 2025

Language skills