Gagnagrunnssérfræðingur

Eik fasteignafélag leitar að metnaðarfullum og lausnamiðuðum einstaklingi með brennandi áhuga á gagnavinnslu og nýsköpun í starf gagnagrunnssérfræðings. Viðkomandi þarf að hafa reynslu af Microsoft Access og SQL server ásamt því að búa yfir sjálfstæðum vinnubrögðum og góðri samskiptahæfni.

Helstu verkefni og ábyrgð

• Hönnun, uppsetning og viðhald gagnagrunna (MS SQL server)
• Þróun og viðhald á gagnagrunnslausnum með viðmóti í Microsoft Access
• Hanna og framkvæma uppfærslur á töflum, fyrirspurnum, skjámyndum og skýrslum
• Samhæfa Access gagnagrunna við önnur Office 365 kerfi og Azure lausnir
• Tryggja að lausnir séu öruggar, áreiðanlegar og í samræmi við verklagsreglur fyrirtækisins
• Leiða umbreytingar úr eldri gagnagrunnskerfum yfir í nútímalegri lausnir
• Skjala gagnagrunnsstrúktúr og þróunarferla
• Veita notendastuðning, þjálfun og ráðgjöf vegna Access forrita
• Koma með tillögur að nýjungum og einföldun gagnaflæðis

Menntunar- og hæfniskröfur

• Háskólamenntun á sviði upplýsingatækni, verkfræði eða skyldra greina
• Reynsla af vinnu með Microsoft Access og MS SQL server er nauðsynleg
• Þekking á samþættingu við Microsoft 365 og Azure er kostur
• Góð hæfni í gagnagreiningu og framsetningu gagna
• Frumkvæði, nákvæmni og sjálfstæð vinnubrögð
• Rík þjónustulund, jákvætt hugarfar og færni í mannlegum samskiptum
• Reynsla af notendaþjálfun og innleiðingu lausna er kostur
• Mjög góð hæfni í íslensku og ensku í ræðu og riti

Eik fasteignafélag var stofnað árið 2002. Frá stofnun hefur félagið vaxið með áherslu á fjárfestingar í helstu viðskiptakjörnum höfuðborgarinnar og er á meðal stærstu fasteignafélaga landsins. Hlutabréf félagsins eru skráð á aðalmarkað Nasdaq Iceland hf. Félagið býður upp á framúrskarandi starfsaðstöðu og góðan starfsanda. Hjá félaginu starfa 38 starfsmenn með fjölbreytta menntun og reynslu á fasteignamarkaði. Markmið Eikar er að veita viðskiptavinum fyrsta flokks þjónustu og bjóða húsnæðislausnir í takt við mismunandi þarfir. Sú viðleitni grundvallast á gildum félagsins: fagmennsku, frumkvæði, léttleika og áreiðanleika.

Umsóknarfrestur er til og með 21. maí 2025. Umsókn óskast fyllt út á www.intellecta.is og þarf henni að fylgja ítarleg ferilskrá og kynningarbréf þar sem gerð er grein fyrir ástæðu umsóknar og hæfni umsækjanda sem nýtist í starfi. Við hvetjum öll áhugasöm til að sækja um starfið.

Nánari upplýsingar um starfið veitir Sigríður Svava Sandholt ([email protected]) í síma 511 1225.