Framkvæmdastjóri Gigtarfélags Íslands

Gigtarfélag Íslands auglýsir eftir framkvæmdastjóra. Félagið er nýflutt í nýtt húsnæði og breytingar og endurskipulagning fram undan. Framkvæmdastjórinn myndi leiða félagið á þessum spennandi tímum í samstarfi við stjórn félagsins

Gigtarfélag Íslands er almannaheillafélag sem hefur að markmiði að stuðla að fræðslu, forvörnum, hagsmunabaráttu og stuðning við fólk með gigt og fjölskyldur þeirra. Starfsemi félagsins er margþætt. Félagið býður upp á iðjuþjálfun og sjúkraþjálfun, hópþjálfun fyrir fólk með gigt í sundlaug eða sal, heldur námskeið og fræðslufundi um gigt og tengd efni auk þess að bjóða upp á jafningjastuðningshópa.