Terra hf.

Terra er líflegur og fjölbreyttur vinnustaður. Hjá félaginu starfa um 260 einstaklingar á starfsstöðvum á nokkrum stöðum á landinu. Alla daga vinnum við af dugnaði og eljusemi að því að gera góða hluti fyrir umhverfið. Við veitum fjölbreytta þjónustu á sviði umhverfismála, einkum á sviði úrgangsstjórnunar og endurvinnslu. Frá 1984 hefur Terra lagt áherslu á að þjóna fyrirtækjum, sveitarfélögum og einstaklingum á hagkvæman og umhverfisvænan hátt þar sem tekið er fullt tillit til aðstæðna á hverjum stað og mismunandi þarfa viðskiptavina. Lögð er áhersla á að koma öllum þeim efnum sem falla til í viðeigandi farveg og aftur inn í hringrásarhagkerfið. Við leggjum mikið upp úr fjölskylduvænu vinnuumhverfi, sterkri liðsheild og jákvæðum og góðum starfsanda. Við erum með öflugt starfsmannafélag sem heldur fjölbreytta viðburði yfir allt árið.

About

Ertu næsti UT meistari okkar ?

Við leitum að öflugum, lausnamiðuðum og metnaðarfullum tæknisnillingi í teymið okkar. Ef þú brennur fyrir tækni, vilt vinna með öflugu og skemmtilegu fólki og takast á við spennandi áskoranir og þróun í starfi, þá viljum við heyra frá þér.

Helstu verkefni og ábyrgð

Ábyrgð á rekstri og viðhaldi á innviðum fyrirtækisins, þar á meðal netkerfum, þjónustu- og öryggislausnum.
Uppsetning, uppfærsla og viðhald á hugbúnaði og vélbúnaði.
Tryggja stöðugleika og öryggi kerfa.
Veita tæknilegan stuðning og ráðgjöf til starfsmanna og notenda.
Lausn á daglegum tæknivandamálum, þar með talið aðstoð við aðgang að kerfum, lausn á tölvuvandamálum og leiðbeiningar í notkun á kerfum og búnaði.
Framkvæma þjálfun og uppfærslu á notkun kerfa og tækni innan fyrirtækisins.
Vinna náið með öðrum deildum til að tryggja samræmingu og skilvirkni í tæknilegu umhverfi.
Skilgreina og framfylgja stefnu og ferlum varðandi tæknilega uppsetningu og notkun.

Menntunar- og hæfniskröfur

Menntun í tölvunarfræði, upplýsingatækni eða sambærilegu námi.
Reynsla af rekstri og viðhaldi tölvukerfa og netumhverfis.
Reynsla af notendaaðstoð og tæknilegu stuðningsstarfi er kostur.
Reynsla í skýjalausnum og gagnagrunnum.
Mjög góð þekking á netumhverfi, kerfisstjórnunarkerfum og öryggislausnum.
Mjög góð þekking á Office 365 umhverfinu og Azure.
Góð þekking á Sharepoint.
Þekking á helstu stýrikerfum (Linux, Windows) og netstillingum.
Góðir samskiptahæfileikar og rík þjónustulund.
Hafa lausnamiðaðan hugsunarhátt og getu til að takast á við krefjandi verkefni.

Öll kyn eru hvött til að sækja um starfið.

Vertu hluti af Terra teyminu þar sem lögð er áhersla á faglega þjónustu og góð samskipti. Við setjum ánægju viðskiptavina í fyrsta sæti og leggjum mikla áherslu á að hafa gaman saman, vaxa sem einstaklingar og þroskast sem sterkur hópur.

Hjá Terra vinnum við í því alla daga að gera góða hluti fyrir umhverfið

Nánari upplýsingar veitir Haraldur Eyvinds Þrastarson, forstöðumaður Upplýsingatæknideildar hjá Terra, [email protected]

Advertisement published13. March 2025

Application deadline23. March 2025

Language skills