Ert þú QA sérfræðingur?

Við hjá Wise leitum að hæfileikaríkum QA sérfræðingi til að ganga til liðs við öflugt vöruþróunarteymi Wise.

Í starfinu gefst tækifæri á að taka þátt í prófunum og að byggja upp þekkingu og ferla fyrir sjálfvirkar prófanir. Við leitum að kraftmiklum, sjálfstæðum einstaklingi sem á auðvelt með að vinna í hóp og hefur áhuga á krefjandi og fjölbreyttum verkefnum.

Ef þú hefur gaman af því að takast á við krefjandi verkefni, vinna í teymi og hefur ástríðu fyrir nýsköpun og vöruþróun, þá erum við að leita að þér!

Hjá Wise færð þú tækifæri til að:

• Undirbúa, skipuleggja og framkvæma prófanir á hugbúnaði Wise í Microsoft Dynamics 365 Business Central
• Skrifa og keyra sjálfvirkar prófanir
• Innleiða og setja upp handvirkar prófanir
• Taka þátt í sprettum og prófun á nýrri hugbúnaðarvirkni fyrir útgáfu
• Taka þátt í skjölun á handbókum og prófanalýsingum
• Ásamt öðrum verkefnum á borð við aðkomu að gerð myndbanda og annarra skjala

Menntunar- og hæfniskröfur:

• Þekking og reynsla af handvirkum prófunum
• Þekking á sjálfvirkum prófunum
• Reynsla í forritun er kostur
• Reynsla af Microsoft Dynamics 365 Business Central
• Góð greiningarhæfni og lausnamiðuð hugsun
• Hæfni og geta til að vinna sjálfstætt sem og í hóp
• Frumkvæði og góð samskiptafærni
• Áhugi á sjálfvirknivæðingu og nýjungum í tækniþróun

Um Wise

Wise er ört stækkandi þekkingarfyrirtæki, sérhæft í stafrænum lausnum sem veita viðskiptavinum forskot í þeirra rekstri. Hjá Wise starfa um 160 sérfræðingar í Reykjavík og á Akureyri með áratuga reynslu og þekkingu á sviði alhliða viðskiptalausna.  Vinnustaðurinn er fjölskylduvænn, lifandi og skemmtilegur þar sem leitast er við að auka fjölbreytileika í ráðningum. Við leggjum áherslu á hvetjandi starfsumhverfi með markvissri fræðslu og þjálfun, að starfsfólki líði vel í vinnunni og að starfsandi sé eins og best verður á kosið. Jafnframt er boðið upp á samgöngu- og heilsustyrk til starfsfólks. 

Við hlökkum til að fá umsóknina þína

Tekið er á móti umsóknum til og með 30. mars 2025.

Nánari upplýsingar um starfið veitir Bergsveinn Snorrason, forstöðumaður Vöruþróunar Viðskiptalausna ([email protected]) og Harpa Hrund Jóhannsdóttir, á mannauðssviði ([email protected]).