Deildarstjóri þjónustu

Norðurorka leitar að tæknilega sinnuðum einstaklingi sem er fljótur að tileinka sér nýja færni og hefur ríka þjónustulund.

Í starfinu felst meðal annars ábyrgð á þróun stafrænna ferla, sjálfvirknivæðingu og innleiðingu nýrrar tækni í þjónustuferlum fyrirtækisins. Deildarstjóri vinnur náið með sviðsstjóra og öðrum teymum innan fyrirtækisins að því að tryggja skilvirka og góða þjónustu.

Fram undan eru fjölbreytt og spennandi verkefni á sviði þjónustuþróunar og stafrænna umbreytinga í veiturekstri Norðurorku.

Starfið er á þjónustusviði og næsti yfirmaður er sviðsstjóri þjónustusviðs.