Umhverfis- og skipulagssvið

Á Umhverfis og skipulagssviði er unnið að fjölbreyttum verkefnum sem eiga að auðga mannlífið í borginni. Nánar má lesa um sviðið hér: https://reykjavik.is/umhverfis-og-skipulagssvid Starfsfólk umhverfis- og skipulagssviðs býr yfir einstakri fagþekkingu í þeim málaflokkum sem sviðið sinnir og gegnir lykilhlutverki í því að gera Reykjavík að enn betri borg. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg.

About

Deildarstjóri nýbygginga

Skrifstofa framkvæmda og viðhalds annast stofnframkvæmdir á vegum Reykjavíkurborgar og sér um viðhald á eignasafni. Deild nýbygginga gerir frumathugun, þarfagreiningu og forhönnun á verkefnum áður en endanleg ákvörðun um framkvæmd er tekin. Deildarstjóri er ábyrgur fyrir stjórnun og daglegum rekstri deildar, tryggir að verkefni séu í samræmi við stefnu og markmið Reykjavíkurborgar og stuðlar að sjálfbærni og nýsköpun.

Við leitum að leiðtoga með ríka samskipta- og stjórnunarhæfileika, frumkvæði og þekkingu til að leiða stór verkefni og færni til að leita lausna í samráði við hagaðila. Um er að ræða fjölbreytt og krefjandi starf í faglegu starfsumhverfi þar sem áhersla er á þverfaglega teymisvinnu, góða þjónustu og virðingu fyrir umhverfinu. Næsti yfirmaður er skrifstofustjóri.

Helstu verkefni og ábyrgð

Stýrir deild nýbygginga og er næsti yfirmaður verkefnisstjóra sem þar starfa.
Fagleg stjórnun mannauðs, fjármála, skipulags og daglegra verkefna sem heyra undir deildina.
Leiðir áætlanagerð, skipulagningu og markmiðasetningu deildarinnar og tryggir að unnið sé í samræmi við stefnu, áherslur og markmið umhverfis- og skipulagssviðs.
Umsjón með hönnunarsamkeppnum sem falla undir verkefni deildarinnar
Samskipti og samráð við íbúa, hagsmunaaðila, ráðgjafa og stofnanir, nefndir og ráð, skrifstofur og deildir innan og utan borgarkerfis.
Samningagerð og rýni við gerð útboðsgagna, kostnaðargát og yfirumsjón með forgangsröðun verkefna og samræmingu innan deildar.

Menntunar- og hæfniskröfur

Háskólapróf á sviði arkitektúrs eða sambærilegt nám sem nýtist í starfi. Framhaldsmenntun í fagi er áskilin.
Viðbótamenntun á sviði stjórnunar, verkefnastjórnunar og/eða opinberrar stjórnsýslu er kostur.
Víðtæk reynsla af sambærilegu starfssviði.
Mjög góðir hæfileikar til samskipta og samvinnu.
Hæfni til að skapa öfluga liðsheild.
Greiningar- og skipulagshæfni, frumkvæði og lausnamiðuð nálgun.
Reynsla af stjórnun kostur.
Reynsla af áætlanagerð kostur.
Þekking á skipulags- og byggingarlögum og viðkomandi reglugerðum.
Íslenskukunnátta C1-C2 skv. samevrópskum tungumálaramma og enskukunnátta B1-B2.

Á umhverfis- og skipulagssviði er unnið að fjölbreyttum verkefnum sem auðga mannlífið í borginni.
Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg og þar gegnir starfsfólkið lykilhlutverki með einstakri fagþekkingu í þeim málaflokkum sem sviðið sinnir.
Umhverfis- og skipulagssvið hefur innleitt 36 stunda vinnuviku og starfar eftir áherslum Reykjavíkurborgar um heilsueflingu á vinnustöðum, leggur áherslu á gagnkvæman sveigjanleika og að stuðla að jafnvægi milli vinnu og einkalífs.
Um er að ræða 100% starf og æskilegt er að starfsmaður geti hafið störf sem fyrst. Launakjör eru samkvæmt kjarasamningi Reykjavíkurborgar og hlutaðeigandi kjarafélags.
Nánari upplýsingar veitir Ámundi V. Brynjólfsson, skrifstofustjóri framkvæmda og viðhalds í gegnum tölvupóst: amundi.v.brynjolfsson@reykjavik.is

Advertisement published24. January 2025

Application deadline10. February 2025

Language skills