Deildarstjóri á heimili fyrir fatlað fólk - Steinahlíð

Hafnarfjarðarbær óskar eftir að ráða öflugan deildarstjóra á heimili fyrir fatlað fólk sem staðsett er í Steinahlíð. Um er að ræða 90% starf sem unnið er bæði á dag- og kvöldvöktum. Við óskum eftir einstaklingi sem hefur drífandi áhuga og vill hafa gaman í vinnunni og er öðrum starfsmönnum fyrirmynd. Unnið er eftir hugmyndafræði Þjónandi leiðsagnar með áherslu á réttindi fatlaðs fólks.

Helstu verkefni og ábyrgð:

• Ber ábyrgð á skipulagningu, samhæfingu, áætlanagerð, skýrslugerð, upplýsingamiðlun, ráðgjöf og fræðslu
• Veitir starfsmönnum fræðslu og handleiðslu
• Framfylgir hlutverki og markmiðum starfsstöðvar
• Veitir fötluðu fólki stuðning og ráðgjöf við athafnir daglegs lífs
• Tekur virkan þátt í þróunarvinnu
• Umsjón með bókhaldi
• Er staðgengill forstöðumanns í hans fjarveru
• Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur:

• Starfsleyfi sem þroskaþjálfi eða BA/BS gráða á sviði heilbrigðis- eða félagsvísinda
• Þekking og reynsla af starfi með fötluðu fólki
• Þekking á lögum sem snúa að málaflokknum
• Stjórnunarreynsla æskileg
• Reynsla og þekking af teymisvinnu æskileg
• Góð tölvukunnátta
• Sveigjanleiki og hæfni í mannlegum samskiptum
• Frumkvæði, skipulagshæfni og sjálfstæði í vinnubrögðum
• Faglegur metnaður í starfi og áhugi á málefnum fatlaðs fólks
• Líkamleg geta til þess að sinna krefjandi verkefnum á vinnustað
• Íslenskukunnátta skilyrði

Skilyrði er að viðkomandi hafi hreint sakavottorð.

Frekari upplýsingar um starfið veitir Ingibjörg Ólafsdóttir forstöðumaður, netfang: [email protected]

Launakjör eru samkvæmt kjarasamningum Sambands íslenskra sveitarfélaga og BHM.

Umsóknarfrestur er til og með 05. september 2025

Umsókn fylgi greinargóð ferilskrá.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.