Tequila & Mezcal Masterclass

Tequila er miklu meira en skot með salti og límónu. Á þessu námskeiði er kafað ofan í fjölbreyttan heim agave-drykkja með áherslu á tequila, mezcal og mexíkóska menningu og hefðir. Í leiðsagðri samanburðarsmökkun kynnast þátttakendur sérstöðu agave-plöntunnar og því hvernig ólíkar tegundir hennar, framleiðsluaðferðir, landsvæði og hefðir móta bragð, ilm og karakter tequila og mezcal. Námskeiðið tengir saman bragð, framleiðslu, uppruna og menningu og gefur innsýn í bæði hefðbundnar framleiðsluaðferðir og þróun agave-drykkja á alþjóðlegum markaði. Þátttakendur öðlast hagnýta þekkingu sem nýtist við að greina, lýsa og bera saman tequila og mezcal og við að kynna og mæla með drykkjunum fyrir gesti.

Markmið:

Markmið námskeiðsins er að veita þátttakendum hagnýtan skilning á tequila og mezcal – allt frá agave-plöntunni og framleiðsluaðferðum til uppruna, menningar og bragðs.

Með leiðsagðri samanburðarsmökkun þjálfast þátttakendur í að greina og lýsa ólíkum tegundum og stílum tequila og mezcal, skilja hvaða þættir móta karakter þeirra og nýta þekkinguna við kynningu og ráðleggingar til gesta.

Á námskeiðinu verður fjallað um:

Agave-plöntuna og sérstöðu hennar sem hráefnis
Grunnatriði í framleiðslu tequila og mezcal
Sögu og menningarlegt mikilvægi agave-drykkja
Helstu flokka og stíla tequila
Mezcal, ólíkar agave-tegundir og hefðbundnar framleiðsluaðferðir
Áhrif landafræði, uppruna og terroir á bragð og karakter
Leiðsagða samanburðarsmökkun á tequila og mezcal
Að greina og lýsa helstu einkennum í ilmi, bragði og karakter
Mexíkóska menningu og hefðir og þróun agave-drykkja á alþjóðlegum markaði
Hvernig nýta má þekkingu á tequila og mezcal við ráðleggingar og þjónustu við gesti

Að loknu námskeiði á nemandi að:

Útskýrt sérstöðu agave sem hráefnis til framleiðslu sterkra drykkja
Útskýrt helstu skref í framleiðslu tequila og mezcal
Greint helstu flokka og stíla tequila
Lýst helstu muninum á tequila og mezcal
Útskýrt hvernig agave-tegundir, landafræði og framleiðsluaðferðir hafa áhrif á bragð og karakter
Metið og lýst helstu einkennum í ilmi, bragði og karakter
Útskýrt menningarlegt mikilvægi og hefðir sem tengjast tequila og mezcal
Borið saman ólíka stíla tequila og mezcal með markvissri smökkun
Mælt með tequila og mezcal út frá smekk og óskum gesta

Aðrar upplýsingar:

Leiðbeinandi á námskeiðinu er Jacek Rudecki. Jacek er sérfræðingur í viskíi og sterkum drykkjum með víðtæka reynslu úr drykkja- og veitingageiranum. Hann býr yfir öflugri alþjóðlegri fagmenntun og sérhæfingu á sviði viskís, sterkra drykkja og eimingar, meðal annars WSET Level 3 Award in Spirits, Certified Scotch Professional, General Certificate in Distilling og EBS Instructor Academy.

Hann er stofnandi Áfengisstofnunar, sjálfstæðs fræðslufyrirtækis sem sérhæfir sig í smökkunum, fagþjálfun og fræðslu um viskí og aðra sterka drykki.

Jacek hefur fjölbreytta starfsreynslu úr drykkja- og veitingageiranum, meðal annars við barstjórnun, eimingu, fræðslu og þjónustu.

Hefst

13. nóv. 2026

Tegund

Staðnám

Tímalengd

1 skipti

Deila

Senda í Messenger

Deila með öðrum

Afrita hlekk