Yfirlæknir öldrunarsviðs

Heilsuvernd óskar eftir að ráða yfirlækni öldrunarsviðs. Við leitum að einstaklingi sem hefur jákvæðni og góð samskipti að leiðarljósi auk reynslu og hæfni til að leiða áfram faglegt starf öldrunarsviðs.

Þjónusta öldrunarsviðs Heilsuverndar er fjölbreytt og snýr m.a. að læknisþjónustu fyrir hjúkrunarheimili á höfuðborgarsvæðinu, ráðgjöf tengda forvarnaverkefnum í öldrunarmálum auk þróunar nýrrar þjónustu á Vífilstöðum þar sem áhersla verður lögð á líknar- og bráðaþjónustu við aldraða til framtíðar.

Leitað er eftir sérfræðingi í öldrunarlækningum með víðtæka reynslu og hæfni til að vera í forystu fyrir þróun og þjónustu sviðsins, auk þess að sinna gæða- og umbótastarfi.

Heilsuvernd er starfrækt í björtu og nýju húsnæði á besta stað við Elliðaárdalinn. Starfsandi og aðstaða er til fyrirmyndar og við höfum metnað til að bjóða upp á framúrskarandi þjónustu fyrir alla sem til okkar leita.

Um er að ræða fullt starf en hlutastarf kemur til greina.