Umhverfis- og orkustofnun

Umhverfis- og orkustofnun tók til starfa 1. janúar 2025. Stofnunin tók við starfsemi Orkustofnunar og hluta af starfsemi Umhverfisstofnunar. Umhverfis- og orkustofnun fer með stjórnsýslu loftslags-, umhverfis- og orkumála og málefni auðlindanýtingar. Þar á meðal eru verkefni í fjölbreyttum málaflokkum: Efnamál Eftirlit Haf og vatn Hringrásarhagkerfi Loftgæði Loftslags- og orkusjóður Losunarheimildir Orkuskipti Orkunýtni Starfsemin fer fram á sex starfsstöðvum um allt land en bæði á Borgum á Akureyri og á Suðurlandsbraut í Reykjavík er starfað í verkefnamiðuðu vinnuumhverfi. Starfsstöðvarnar okkar eru: Akureyri, Mývatnssveit, Egilsstaðir, Selfoss, Reykjavík og Hvanneyri.

Vinnustaðurinn

Viltu hafa áhrif á umhverfið? Lausnamiðaður lögfræðingur óskast

Laust er til umsóknar starf lögfræðings á sviði umhverfisgæða hjá Umhverfis- og orkustofnun. Á sviði umhverfisgæða starfa teymi hafs og vatns, teymi eftirlits og teymi efnamála. Megin verkefni lögfræðingsins verða í teymi eftirlits og efnateymi. Verkefnin varða m.a. framkvæmd og eftirfylgni á lögum um hollustuhætti og mengunarvarnir, lög um rannsóknir og nýtingu á auðlindum í jörðu og efnalög. Lögfræðingurinn tryggir að við afgreiðslu mála sé farið að reglum stjórnsýsluréttar. Fjölbreytt og spennandi verkefni eru í deiglunni á þessu sviði sem m.a. tengjast innleiðingu á nýjum evrópugerðum á sviði efnamála og aukinni áherslu á verkefni er snúa að samræmingu heilbrigðiseftirlits á landinu öllu. Einnig koma lögfræðingar stofnunarinnar að ýmsum nýjum verkefnum þvert á teymi eftir því sem þörf er á.

Lögfræðingurinn vinnur náið með sérfræðingum í teymisvinnu. Lögfræðingar stofnunarinnar starfa saman innan sviða og einnig í samstarfshópi allra lögfræðinga stofnunarinnar.

Leitað er að lausnarmiðuðum einstaklingi með góða samstarfshæfni sem hefur áhuga á að vinna á sviði umhverfisverndar.

Helstu verkefni og ábyrgð

Túlkun á lögum, reglugerðum og EES gerðum
Tryggja að farið sé að reglum stjórnsýsluréttar við afgreiðslu mála
Lögfræðileg aðstoð við sérfræðinga
Umsjón með eftirfylgni eftirlits og beitingu þvingunarúrræða
Greining EES gerða fyrir upptöku þeirra í EES-samninginn
Aðstoð við að semja reglugerðir og leiðbeiningar
Umsagnir um þingmál
Svör við stjórnsýslukærum
Þátttaka í lögfræðilegum úrlausnarefnum sem eru þvert á teymi og varða stofnunina almennt
Samskipti við stjórnvöld, hagsmunaaðila og almenning

Fríðindi í starfi

Embættis- eða meistarapróf í lögfræði
Góð greiningar og ritfærni við gerð lagatexta.
Þekking og reynsla af störfum á sviði stjórnsýslu, umhverfisréttar og evrópuréttar er kostur.
Skipulögð og sjálfstæð vinnubrögð og geta til að sýna frumkvæði
Góð samstarfshæfni og sveigjanleiki í samskiptum bæði við hagsmunaaðila og samstarfsfólk er skilyrði
Stafræn hæfni
Mjög gott vald á íslensku og ensku og færni til að tjá sig í ræðu og riti
Haldbær þekking á einu Norðurlandamáli er kostur

Spennandi vinnuumhverfi í nýrri stofnun

Umhverfis- og orkustofnun er ný stofnun sem fer með stjórnsýslu og eftirlit auk annarra verkefna á sviði loftslags-, umhverfis- og orkumála og málefna auðlindanýtingar. Stofnunin tók til starfa í upphafi árs við sameiningu Orkustofnunar og hluta Umhverfisstofnunar.

Verkefni nýrrar stofnunar eru fjölbreytt og starfsumhverfið er metnaðarfullt. Við viljum laða að öflugt fagfólk sem leggur áherslu á stöðugar umbætur og stafræna þróun. Umhverfis- og orkustofnun leggur áherslu á heilsu, öryggi og vellíðan og góð skilyrði fyrir starfsfólk til að þróast og eflast í starfi. Við erum með 36 stunda vinnuviku og sveigjanlegan vinnutíma. Starfsaðstaða er víðast í verkefnamiðuðu vinnuumhverfi og áhersla er lögð á bjóðandi andrúmsloft fyrir allt starfsfólk. Sjá nánari upplýsingar um Umhverfis- og orkustofnun á uos.is.

Býrðu á Akureyri eða dreymir þig um að flytja þangað?

Höfuðstöðvar Umhverfis- og orkustofnunar eru á Akureyri en þar verður meginstarfsstöð lögfræðingsins. Starfsstöðvar eru auk þess á Egilsstöðum, Selfossi, Reykjavík, og Hvanneyri. Á Akureyri hefur stofnunin góða aðstöðu á Rangárvöllum í nálægð við aðra starfsemi í orkumálum. Þar er starfrækt mötuneyti fyrir starfsfólk, góð hleðsluaðstaða fyrir bíla og sturtur fyrir vistvænar ferðavenjur.

Frekari upplýsingar um starfið
Sviðsstjóri sviðs umhverfisgæða er Lilja Ólafsdóttir. Sigríður Kristinsdóttir, [email protected], sími 5696000, veitir upplýsingar um starfið.

Laun eru samkvæmt gildandi kjarasamningi sem fjármála- og efnahagsráðherra og hlutaðeigandi stéttarfélag hafa gert. Gagnkvæmur reynslutími er sex mánuðir við ráðningu.

Æskilegt er að umsækjandi geti hafið störf sem fyrst. Umsóknir geta gilt í 6 mánuði frá birtingu auglýsingarinnar.

Við hvetjum áhugasama einstaklinga til að sækja um, óháð kyni og uppruna.

Auglýsing birt25. júlí 2025

Umsóknarfrestur18. ágúst 2025

Tungumálahæfni