Umhverfis- og orkustofnun

Umhverfis- og orkustofnun tók til starfa 1. janúar 2025. Stofnunin tók við starfsemi Orkustofnunar og hluta af starfsemi Umhverfisstofnunar. Umhverfis- og orkustofnun fer með stjórnsýslu loftslags-, umhverfis- og orkumála og málefni auðlindanýtingar. Þar á meðal eru verkefni í fjölbreyttum málaflokkum: Efnamál Eftirlit Haf og vatn Hringrásarhagkerfi Loftgæði Loftslags- og orkusjóður Losunarheimildir Orkuskipti Orkunýtni Starfsemin fer fram á sex starfsstöðvum um allt land en bæði á Borgum á Akureyri og á Suðurlandsbraut í Reykjavík er starfað í verkefnamiðuðu vinnuumhverfi. Starfsstöðvarnar okkar eru: Akureyri, Mývatnssveit, Egilsstaðir, Selfoss, Reykjavík og Hvanneyri.

Vinnustaðurinn

Hefur þú áhuga á auðlindanýtingu og umhverfismálum? Lögfræðingur í teymi leyfa og umsagna

Hjá Umhverfis- og orkustofnun er laust til umsóknar starf lögfræðings í teymi leyfa og umsagna. Starfsvið lögfræðingsins felst í vinnu með sérfræðingum að útgáfu leyfa til auðlindanýtingar, starfsleyfa fyrir mengandi starfsemi og úrlausn lögfræðilegra álitaefna sem varða verkefni teymisins. Einnig mun lögfræðingurinn halda utan um umsagnabeiðnir er teyminu berast í samstarfi við teymisstjóra. Lögfræðingurinn mun taka þátt í samstarfi við ráðuneyti, aðrar ríkisstofnanir, sveitarfélög og fyrirtæki og samtök þeirra.

Lögfræðingurinn vinnur jafnframt náið með sérfræðingum í teymisvinnu. Lögfræðingar stofnunarinnar starfa saman innan sviða og einnig í samstarfshópi allra lögfræðinga stofnunarinnar.

Leitað er að lausnarmiðuðum einstaklingi með góða samstarfshæfni sem hefur áhuga á að vinna á sviði umhverfisverndar.

Helstu verkefni og ábyrgð

Rýni leyfa og aðstoð við sérfræðinga teymisins við leyfisveitingar
Umsagnir um þingmál og mál til ráðuneytis
Umsjón með umsagnabeiðnum er teyminu berast
Umsagnir um stjórnsýslukærur
Tillögur að breytingum á lögum og reglugerðum og greining EES gerða
Útgáfa og breytingar á leyfum til auðlindanýtingar og starfsleyfum
Aðgangur að upplýsingum skv. stjórnsýslulögum og upplýsingalögum en einnig upplýsingavinnsla til almennings

Menntunar- og hæfniskröfur

Embættis- eða meistarapróf í lögfræði.
Þekking og reynsla af opinberri stjórnsýslu og lögmennsku er kostur
Mjög gott vald á íslensku og ensku bæði í ræðu og riti er nauðsynleg
Þekking og/eða reynsla af reglum EES-samningsins er kostur
Þekking og reynsla af auðlindanýtingu og umhverfismálum kostur
Góð samstarfshæfni og sveigjanleiki í samskiptum bæði við hagsmunaaðila og samstarfsfólk er skilyrði
Stafræn hæfni
Umbóta- og lausnamiðuð hugsun og reynsla af stöðugum umbótum
Skipulögð og sjálfstæð vinnubrögð
Mjög gott vald á íslensku og ensku og færni til að tjá sig í ræðu og riti
Haldbær þekking á einu Norðurlandamáli er kostur

Spennandi vinnuumhverfi í nýrri stofnun

Umhverfis- og orkustofnun er ný stofnun sem fer með stjórnsýslu og eftirlit auk annarra verkefna á sviði loftslags-, umhverfis- og orkumála og málefna auðlindanýtingar. Stofnunin tók til starfa í upphafi árs við sameiningu Orkustofnunar og hluta Umhverfisstofnunar.

Verkefni nýrrar stofnunar eru fjölbreytt og starfsumhverfið er metnaðarfullt. Við viljum laða að öflugt fagfólk sem leggur áherslu á stöðugar umbætur og stafræna þróun. Umhverfis- og orkustofnun leggur áherslu á heilsu, öryggi og vellíðan og góð skilyrði fyrir starfsfólk til að þróast og eflast í starfi. Við erum með 36 stunda vinnuviku og sveigjanlegan vinnutíma. Starfsaðstaða er víðast í verkefnamiðuðu vinnuumhverfi og áhersla er lögð á bjóðandi andrúmsloft fyrir allt starfsfólk. Sjá nánari upplýsingar um Umhverfis- og orkustofnun á uos.is.

Býrðu á Akureyri eða dreymir þig um að flytja þangað?

Höfuðstöðvar Umhverfis- og orkustofnunar eru á Akureyri en þar verður meginstarfsstöð lögfræðingsins. Starfsstöðvar eru auk þess á Egilsstöðum, Selfossi, Reykjavík, og Hvanneyri. Á Akureyri hefur stofnunin góða aðstöðu á Rangárvöllum í nálægð við aðra starfsemi í orkumálum. Þar er starfrækt mötuneyti fyrir starfsfólk, góð hleðsluaðstaða fyrir bíla og sturtur fyrir vistvænar ferðavenjur.

Frekari upplýsingar um starfið

Laun eru samkvæmt gildandi kjarasamningi sem fjármála- og efnahagsráðherra og hlutaðeigandi stéttarfélag hafa gert.

Gagnkvæmur reynslutími er sex mánuðir við ráðningu. Æskilegt er að umsækjandi geti hafið störf sem fyrst. Umsóknir geta gilt í 6 mánuði frá birtingu auglýsingarinnar.

Við hvetjum áhugasöm til að sækja um, óháð kyni og uppruna.

Starfshlutfall er 100%

Nánari upplýsingar veita

Sverrir Aðalsteinn Jónsson, [email protected]

Sími: 5696000

Þóra Margrét Pálsdóttir Briem, [email protected]

Sími: 5696000

Auglýsing birt25. júlí 2025

Umsóknarfrestur18. ágúst 2025

Tungumálahæfni